(NLTimes) – Esnan cu ta comete violencia sexual por ta buscando nan victima mediante appnan di cita (‘dating apps’). E appnan aki hopi biaha ta aparece den e storianan cu victimanan ta conta na e Centro pa Violencia Sexual, segun director Iva Bicanic a bisa programa Zembla.
Polis Hulandes a lansa un investigacion mayor riba con hopi biaha appnan manera Tinder ta involucra den casonan di violencia sexual, polis a bisa na e programa. “Tur diesseis di nos departamentonan regional mester a atende victimanan cu a ser viola of ataca durante un cita cu a cuminsa via un app di cita”, Bicanic a bisa Zembla, agregando cu hombernan gay en particular ta parce di ta scogi di e forma aki. “Loke nos sa ta e tip di e ijsberg. Nos ta kere cu tin hopi mas hende cu ta victima, pero no ta tuma contacto cu nos pa motibo di berguensa y culpa.”
Na momento cu Zembla a tuma contacto cu polis y a puntra tocante violacion sexual relaciona cu app di cita, un vocero a confirma cu un investigacion mayor ta andando. Nan no por a duna detaye, pero a bisa cu polis kier haya un miho conocemento di e forma con e criminalnan ta usa appnan di cita manera Tinder.
Tinder a bisa e programa cu ya ta den contacto cu Bicanic y ta bay continua traha cu e Centro pa Violencia Sexual riba un ‘funcion di sosten’ pa e version Hulandes di Tinder.
E compania a bisa cu seguridad di su usuarionan tin prioridad maximo y cu ta den proceso di haci ahustacion y mehoracionnan na e app pa yuda promove esaki.
Tinder tambe a bisa cu e app ta bay haya un ‘centro di seguridad’ na Hulanda, cu ta bay provee usuarionan cu acceso mas facil na hermentnan pa mehora seguridad mientras ta usa e app.
Potret di CNET.
