MEXICO – Curpa di un ciudadano Mericano cu ta sospechoso di dispara siman pasa contra un funcionario di e consulado di Merca na Guadalajara, a ser repatria pa su pais, segun comunicado di Fiscalia General di Mexico.
E investigacion tocante e ciudadano Mericano cu ta probablemente involucra den agresion contra un oficial di departamento di estado cu tabata staciona na Consulado di Merca na Guadalajara, Jalisco lo continua na Mexico, independente di eventual investigacion cu por tuma lugar na Merca, Fiscalia a splica.
E agresion a sucede diabierna ultimo na momento cu e funcionario di consulado a sali di su auto, den un zona comercial y a ser ataca pa un homber cu uniform di enfermero, un peluca y bril scur, segun un video cu a consulado na Guadalajara a divulga. Diadomingo cu a pasa autoridadnan di Mexico a reporta cu e estado di salud di e funcionario Mericano ta stabil y cu detencion di e sospechoso tabata posibel pa e colaboracion di FBI, cu a priminti un recompensa di 20.000 dollar di banda di embahada di Merca y e consulado na Guadalajara.
Fiscalia no a bisa nada tocante e identidad di e sospechoso cu a fayece y cu a manda e curpa pa Merca, ni tampoco tocante e posibel rason di e atake aki.
