(ElNacional) – E oposicion Venezolano ta debilita dilanti e gobierno di Nicolas Maduro den e negociacionnan dilanti e poco interes di Merca den e proceso, cu lo continua diabierna na Mexico, e analistanan a bisa e periodistanan Antonio Maria Delgado y Michael Wilner pa e Nuevo Herald.
Nan a confirma cu e perdida di e forsa di e Plataforma Unitario, cu ta lidera pa Juan Guaido, por wordo mira den e cambio di nan obhetivonan, cu a pasa di logra e salida inmediato di Nicolas Maduro na concentra pa logra condicionan electoral.
E analistanan a señala cu e cambio tambe ta refleha den e influencia cu Guaido tin, apesar di Merca y otro paisnan ta reconoce manera presidente encarga di Venezuela, otro gruponan di oposicion a descarta su agenda door di tin mas interes pa participa den e eleccionnan di alcalde- y gobernadornan.
“Loke ta riba mesa ta e condicionnan pa e eleccionnan estatal y local, ademas di otro conan cu e regimen kier, principalmente tin acceso na parti di e placa den e extranhero y cu algun di e sancionnan wordo lanta”, Elliott Abrams, ex-representante special di Merca na Venezuela, a bisa.
E ex-funcionario di e ex-president Donald Trump a sigura den un entrevista cu, si e proceso di 21 di november resulta di ta un fiasco completo, e lo ta un hopi mal comienso pa esunnan cu ta kere cu eleccionnan ta e caminda pa saca Maduro.
Abrams a manifesta cu e gobierno actual di Biden no ta presta e mesun grado di atencion na e conflicto di Venezuela. “Bou di e administracion anterior tabatin un representante special na Venezuela cu oficina, cu personal y tabatin un oficina di Asuntonan Venezolano na e oficina di America Latino. Aworaki, e oficina de representacion special y e oficina di Venezuela a disolve”, el a bisa.
El Nuevo Herald tambe a señala cu otro muestra cu ta indica cu e oposicion ta debilita tabata e retiro di e negociacion di Carlos Vecchio, representante politico di Guaido na Washington.
