(AP) — E rover Marsiano mas nobo di NASA exitosamente a colecta su prome muestra di piedra pa manda back na Tera despues cu intento luna pasa a fracasa.
Hefe ingeniero di Perseverance, Adam Steltzner, a yam’e un muestra perfecto. “Mi nunca tabata asina contento pa mira un buraco den un piedra”, el a tweet ayera.
Luna pasa, Perseverance a bora den piedra hopi mas suave y e muestra a kibra y no a drenta e tubo di titanium. E rover a core un kilometer na un miho luga pa tuma muestra y purba di nobo. Investigadonan a analisa data y potret prome cu declara exito.
Perseverance a yega na februari na e Crater Jezero na Mars – cu ta pensa tabata un riu delta y lago biyones di aña pasa – den buskeda di piedra cu por tin evidencia di bida antiguo. NASA tin plan pa lansa mas astronave pa recupera e muestranan colecta pa Perseverance; ingenieronan ta spera di por trece hasta tres decena di muestra dentro di un decada.
