(EFE News) – Presidente di Mexico Andres Manuel Lopez Obrador a revela ayera diahuebs cu proximo siman lo manda un carta pa presidente di Merca Joe Biden, pa insisti y atende e “causanan” di e migracion forsa y tambe pa pidi visa temporal di trabou pa centro Americanonan.
“Asina mi ta bay bolbe bis’e pa presidente Biden otro siman. Mi lo manda un carta pasobra nos no por detene y retene, tin cu atende e causanan” Lopez Obrador a expresa durante su conferencia di prensa na Palacio Nacional.
E mandatario a insisti cu su plan di extende su programa di reforestacion Sembrando Bida pa Guatemala, Honduras y El Salvador y cu Merca lo duna visa temporal di trabou pa e 330.000 campesino cu lo inscribi na e plan “pa cu nan por traha seis luna y bay wak back nan cosecha”.
Despues di e disolucion di dos caravana di parti di autoridadnan, un di tres caravana di migrante conforma pa centenares di persona, den su mayoria Haitiano, Venezolano y Centro Americano a sali diaranson ultimo for di Tapachula, na estado di Chiapas caminda pa nort di Mexico cu destino Merca.
Lopez Obrador a bisa cu Gobierno di Mexico ta purba di “mantene” e migrantenan na e parti southwest di e pais pasobra si nan ta sigui nan recorido pa Merca nan ta “core hopi riesgo di violacion di derechonan humano, vooral den frontera nort”.
“Nos ta haci un labor grandi pa contene e multitud di migrantenan te na unda nos por y na mesun tempo nos ta sigui insisti cu Gobierno di Merca pa cu lo atende lo mas lihe posibel y duna nan e oportunidad pa esunnan cu pa necesidad tin cu bandona nan pueblo”, el a insisti.
