Den su resumen di diasabra riba e desaroyonan di pandemia di Covid-19 na Aruba, Departamento di Salubridad publico DVG a informa cu lamentablemente cuatro residente mas a fayece cu Covid-19.
Cu esaki, e cantidad di fayecidonan relaciona cu Covid-19 a aumenta na 137.
Den su resumen di ayera, DVG a informa cu 56 persona a recupera y a registra un total di 36 caso nobo di Covid-19, di cual 3 no ta residente y 33 ta residente. E cifranan aki ta representa un tasa di positividad entre nos residentenan di 30 porciento.
E cantidad di caso activo ayera tabata 570 y e cantidad di fayecido no a aumenta.
Datonan di Covid ta ilustra casonan nobo cu un averahe semanal di 65 caso pa dia y un averahe semanal di tasa di positividad di 25 porciento pa dia.
Tambe DVG a informa cu tin 52 persona interna den hospital pa ricibi tratamento adicional pa Covid-19, e malesa causa pa e virus SARS-CoV-2. Di esakinan, 12 ta den Unidad di Cuido Intensivo (ICU) y 40 riba piso general na Aruba. Na Colombia actualmente tin 16 persona den ICU.
