Segun resumen di Departamento di Salubridad Publico DVG ayera, riba e cifranan di desaroyo di pandemia di Covid-19 na Aruba, por nota cu e averahe semanal di casonan pa dia ta bahando, y ayera a registra 89 caso pa dia.
DVG a informa ayera cu tabatin 61 persona cu a recupera di Covid-19. Ademas tabatin un total di 93 caso nobo di Covid-19, di cual seis ta turista y 87 ta residente di Aruba.
E cifranan aki ta representa tasa di positividad entre nos residentenan di 28%.
E cantidad di caso activo di e malesa causa pa e virus SARS-CoV-2 ayera tabata 764 y cantidad di fayecidonan relaciona cu COVID-19 ta 128.
Datonan di Covid di DVG ta ilustra casonan nobo cu un averahe semanal di 89 caso pa dia y un averahe di tasa di positividad semanal di 25% pa dia.
Pa loke ta trata hospitalisacion, tin actualmente 66 persona interna pa ricibi tratamento pa Covid-19. Di esakinan, 15 ta interna na hospital na Colombia pa ricibi tratamento di ICU. E resto ta na Aruba, di cual 12 ta den Unidad di Cuido Intensivo (ICU), y 39 ta riba piso general.
