Cinco miembro di delegacion di Aruba incluyendo mi persona parlamentario Minguel Mansur a bishita Justitiële Inrichting Caribisch Nederland. Parlamentario Minguel Mansur a duna di conoce cu e la keda increiblemente impresiona cu e facilidad cu ta sigur esun miho den Caribe actualmente.
Durante e prome dia di reunion di IPKO e delegacion a haya un stand van zaken di e cuatro paisnan. Preocupante tende cu Hulanda a logra vacunacion di 85% di su poblacion y toch no a logra herd immunity.
Parlamentario Mansur ta felis di tende cu delegacion di Hulanda tambe ta boga pa geschillenregeling y lo sigui advoca pa esaki unabes e gobierno nobo forma. Despues nos a wordo dividi den deelgroepen cu a repasa eleccionnan di Aruba, Curaçao y Tweede Kamer.
Parlamentario Minguel Mansur tabata den e grupo cu a repasa eleccion di Curaçao y mi a trece dilanti e deficiencianan den nos respectivo kiesverordeningnan. Den actual parlamento di Curaçao 43% di asiento ta restzetel, na Aruba ta 24% mientras na Hulanda cu ta caminda nos leynan a origina ta menos cu 1%.
E distorcion di e boluntad democratico di nos pueblonan mester caba y tur voto mester conta igual. Anochi e delegacion a wordo invita pa dinner na cas di Gezaghebber Bonaire kende mainta a boga pa den futuro inclui representacion di Eilandsraad Bonaire. MP Heylinger-Marten di St. Maarten a elabora ariba e nificacion di no wordo decolonisa.
E parlamentario a aprecia e oportunidad pa network cu Parlamentarionan di Curaçao, St. Maarten y Hulanda pa reforma fiscal, igualdad y modernisacion di nos leynan electoral. Den tur tres pais nos a haya aliado pa cierto di nos ponencianan.
