Den su resumen diario riba e desaroyonan di pandemia di Covid-19, Departamento di Salubridad Publico a informa cu actualmente tin 65 persona interna den hospital pa ricibi tratamento adicional pa e malesa causa pa e virus SARS-CoV-2.
DVG a informa cu 101 persona a recupera, y a registra un total di 55 caso nobo di Covid-19, di cual seis ta turista y 49 ta residente. E cifranan aki ta representa un tasa di positividad entre nos residentenan di 28 porciento. E cantidad di caso activo ayera tabata 747, y e cantidad di fayecido relaciona Covid-19 no a conoce aumento y a keda na 126.
Segun DVG, e datonan di Covid ta ilustra casonan nobo cu un averahe semanal di 91 caso pa dia, y un averahe di tasa di positividad semanal di 26 porciento pa dia.
Ademas, DVG a informa cu actualmente tin 65 persona hospitalisa cu Covid. Di esakinan, 14 ta den Unidad di Cuido Intensivo ICU na Colombia. E resto ta interna na Hospital Dr. Horacio Oduber na Aruba, y di esakinan, 12 ta den ICU, 38 riba piso general, y 1 riba piso di maternidad.
