Ayera den oranan di atardi pa ta exacto 6or di atardi central di polis ta keda notifica cu un turista lo mester a cay for di e di dos piso di Renaissance Mall.
Na yegada di e patruya di polis a topa cu paramediconan atendiendo e dama turista. Nan a stabilise y bay cune cu urgencia pa hospital pa haya tratamento mas avansa.
Na e sitio por a compronde cu e sra turista lo mester a bay saca un potret y na unda di un manera of otro lo a cay. Mesora a pone departmento di recherche, polis technico y tambe departamento di slachtofferhulp na altura di e sucedido pa investiga e caso y haya sa kico por a pasa cu e turista a cay.
