Surplus den cuenta coriente den prome kwartaal di 2020 a converti den un deficit den prome kwartaal di 2021, e cuenta coriente di e balans di pago a cambia di un surplus di Afl. 252.1 miyon den prome kwartaal di 2021 den un deficit di Afl. 55.9 miyon.

Asina a informa Banco Central di Aruba den un resumen di e desaroyonan di balans di pago publica siman pasa.

Segun Banco Central, e cambio aki tabata causa pa un reduccion di Afl. 474.8 miyon den surplus di cuenta di servicio y un aumento di Afl. 14.4 miyon den e deficit di cuenta di entrada secundario. Di otro banda, a nota reduccion den deficit riba e cuentanan di activo y entrada primario di Afl. 149.8 miyon y Afl. 31.4 miyon, respectivamente (Chart 1 y Table 1).

Cuenta coriente y di capital
 E cuenta di activo a registra un deficit di Afl. 296.0 miyon, un caida di Afl. 149.8 miyon (33.6 porciento) compara cu e prome kwartaal di 2020. E resultado aki tabata principalmente causa pa reduccion di Afl. 166.4 miyon (-32.4 porciento) den importacion, y Afl. 16.6 miyon (-32.4 porciento) den importacion y Afl. 16.6 miyon (-24.7 porciento) den exportacion.

E surplus den cuenta di servicio a cay cu Afl. 474.8 miyon na Afl. 312.6 miyon, compara cu e prome kwartaal di 2020. Esaki a resulta di un contraccion di Afl. 555.0 miyon den exportacion di servicio, cu tabata parcialmente compensa pa un reduccion di Afl. 80.2 miyon den servicio di importacion (Table 1).

E contraccion den exportacion di servicio tabata atribui principalmente na reduccion den credito di turismo (-Afl. 469.7 miyon of -45.8 porciento); otro servicio (-Afl. 62.8 miyon); y otro servicio di transporte (-Afl. 21.0 miyon). E reduccion den importacion di servicio tabata principalmente ma motibo di un caida den otro servicio (-Afl. 53.1 miyon), resultando parcialmente di reduccion den servicio financiero (-Afl. 12.0 million) y servicio di gobierno (-Afl. 6.7 million).

Servicio di transporte tambe a contrae cu Afl. 21.7 miyon pa motibo di reduccion di Afl. 12.9 miyon den servicio di flete y Afl. 8.9 miyon den otro servicio di transporte. Ademas, e deficit riba e cuenta di entrada a reduci cu Afl. 17.0 miyon na Afl. 72.5 miyon. E deficit den entrada primario a reduci cu Afl. 31.4 miyon na Afl. 28.8 miyon, principalmente atribui na menos pago saliente relaciona cu interes, mientras no a haci ningun pago di dividend pa motibo di e restriccion riba divisa. E deficit riba entrada secundario a aumenta cu Afl. 14.4 miyon na Afl. 43.7 miyon, pa motibo di otro transferencia coriente mas halto.

Cuenta financiero
 E cuenta financiero a resulta den un endeudamento neto di Afl. 30.7 miyon den prome kwartaal di 2021, compara cu un credito neto di Afl. 251.2 miyon den e mesun kwartaal un aña prome (Table 2). E resultado aki a bin di un aumento neto di Afl. 108.8 miyon den pasivo financiero (Q1 2020: -Afl. 61.3 miyon) y un aumento neto di Afl. 28.1 miyon den activo financiero (Q1 2020: +Afl. 189.9 million).

Incurencia neto di pasivo financiero
 E aumento neto den activo financiero a resulta di expansion di otro inversion (+Afl. 58.4 miyon) y inversion directo (+Afl. 47.8 miyon). E aumento den otro pasivo di inversion tbata pa motibo di un aumento den prestamo stranhero ricibi pa gobierno (+48.9 miyon), efectivo y deposito den posesion di e banconan comercial (+Afl. 4.8 miyon) y otro pasivonan (+Afl. 4.7 miyon).

E expansion den pasivo di inversion directo tabata causa pa aumentonan den inversion di real estate (+Afl. 31.4 miyon) y prestamo entre compania (+Afl. 16.4 miyon). Ademas, pasivonan financiero derivativo a aumenta cu Afl. 6.8 miyon. Den contraste, pasivonan di portfolio di inversion relaciona cu seguridadnan di debe a largo plaso a reduci (-Afl. 4.2 miyon).

Adkisicion neto di activo financiero
 E aumento neto den activo financiero a resulta di aumento den otro activo di inversion (+Afl. 78.0 miyon) y activonan di portfolio di inversion (+Afl. 46.3 miyon). Otro activonan di inversion a crece principalmente pa motibo di expansion den efectivo y depositonan cu banconan comercial y otro sector tin den exterior (+Afl. 74.1 miyon) y otro activonan (+Afl. 6.1 miyon), cu tabata parcialmente compensa pa un reduccion den prestamo stranhero ricibi pa otro sectornan (-Afl. 4.2 miyon).

E aumento den activo di portfolio di inversion tabata causa pa un aumento neto di Afl. 73.8 miyon den inversion den titulo di deuda den exterior, cual tabata contraresta pa un reduccion den titulo di renta (-Afl. 27.5 miyon). Di otro banda, e activonan di reserva a reduci cu Afl. 36.8 miyon, pa motibo di e contraccion den efectivo y deposito cu Banco Central tin den exterior (-Afl. 44.7 miyon).