(NTN24) – Ex-presidente di Colombia, Alvaro Uribe, a sigura e siman aki cu e no tin “culpa” den e miles di asesinato di civil, cometi pa militar durante e lucha anti-guerrillero hiba durante su gobierno.
“E culpa nunca ta di iesun cu ta exigi resultado cu transparencia, e ta di e incapaz criminal cu, pa fingi resultado, ta produci crimen”, e ex-mandatario (2002-2010) a expresa den un reunion cu miembronan di e Comision de la Verdad, un organo extra-hudicial cu ta investiga e conflicto di mitar siglo cu e awor extinto FARC.
Como 6.400 persona a keda ehecuta pa militar y presenta como perdida den combate di banda di guerrilla durante gobierno di Uribe, segun Justicia Especial para la Paz (JEP), tribunal cu ua surgi di e pacto firma cu e insurgencia na 2016, pa termina e conflicto y desmobiliza e guerrilla.
E reunion cu Uribe a tuma lugar na su residencia na departamento Antioquia y a ser transmiti pa rednan social.
Algun di e crimennan a ser cometi pa unidadnan militar cu “pa protege narcotraficante y aparenta cu sí nan tabata combati nan, y loke nan tabata haciendo tra mata hende inocente”, segun e ex-mandatario den un testimonio voluntario dilanti e miembronann di e comision, cu no por sanciona Uribe.
Na juni su ex-ministro di Defensa y su sucesor den presidencia, Juan Manuel Santos, a reconoce cerca e organo aki cu e crimennan a tuma lugar pa “presion” di gobierno pa duna resultado den e lucha contra loke tabata e insurgencia mas poderoso di e continente.
Varios militar a admiti dilanti JEP nan participacion den asesinato di civiles, a cambio di dia di descanso, biahe y otro beneficio. E tribunal ta ofrece castigo alternativo pa prison na esnan cu acepta nan responsabilidad y paga e victimanan.
