Durante un combersación cu Sue-Ellen de Freitas Sousa, Head of Business Information and Support, di Kamer van Koophandel en Nijverheid (KVK), e la duna un splicacion ariba e crusonan di Empresario Independiente cu KVK ta ofrece na personanan cu ta interesa pa habri nan propio negoshi y a duna cifra pa mira e aumento of caida di negoshinan cu ta registra na Aruba. 

Sra. de Freitas Sousa a splica cu e cursonan di Empresario Independiente Chikito Mediano a cuminsa na aña 2014 nos a cuminsa cu curso Empresario Independiente, chikito mediano y ta consisti di diferente aspecto importante pa un negoshi exitoso.

E curso ta consisti di algun module bo por bisa, anto eigenlijk tur locual cu bo mester tin conocemento di dje basico pa bo por maneha bo negoshi. Dus cuminsando desde administratie, belastingen, social media, digital marketing, etc..  y e ta basta extenso, dus e curso ta completo pa bo por maneha bo negoshi riba tur area”, Sr. de Freitas Sousa a bisa.

E ta splica tambe cu tin diferente otro cursonan disponibel na KVK manera admministracion pa principiante, administracion financiero pa principiante tambe, cu ta siña e cursistanan, den un tempo mas cortico, con pa haci administracion di un empresa, “esey ta cursonan mas cortico, dus di 4 siman un biaha pa siman”, el a bisa.  Ora bo caba bo por bisa traha un balans, profit and loss account, analisa bo cifranan esey tambe nos tin y fuera di esey nos ta organisa conferencianan, of si nos kier duna informacion tocante di un topico specifico nos ta organisa un sesion”.

Sra. de Freitas Sousa ta señala tambe cu durante di temporada di pandemia no tabatin hopi interesa pa cursonan, te cu mester a cancela esaki aña pasa, pero cu si por a mira cu e cifranan pa registracion di negoshi tabatin un aumento chikito.

Negoshinan e cifranan si tabata mas halto cu ban bisa e aña anterior. Bo por wak cu hustamente durante e pandemia, mi ta kere cu hendenan cu a perde trabou of cu a perde un parti di nan salario a busca un di dos entrada, e cifranan a aumenta pa cu registracion di negoshi”, el a agrega.

Segun e cifranan oficial di KVK, na aña 2020 tabatin 1303 negoshi a keda registra y tabatin 1272 negoshi cu a cancela nan registracion, cual ta muestra un aumento chikito den e registracion di negoshi durante e prome aña di pandemia na Aruba.

Pa locual ta e prome mita di aña 2021, 889 negoshi a keda registra y 361 negoshi a cancela nan registracion na KVK. Cu e cifranan aki si por mira cu e aumento di negoshinan cu a registra durante e segundo aña di pandemia na Aruba, tin un aumento significante compara cu e total di negoshi cu a cancela nan registracion y tambe compara cu e total di registracion di negoshinan di aña 2020.