Resultado pa e di segundo trimester di 2021 Banco Central di Aruba (BCA) recientemente a conclui e encuesta di percepcion di negoshi pa e di segundo trimester di 2021. E encuesta di percepcion di negoshi ta evalua e percepcion economico di e negoshinan local, como tambe e impacto causa pa e pandemia di COVID-19 riba nan actividadnan di negoshi.

Durante e segundo trimester di 2021, e asina yama ‘Business Perception Index’, cu ta consisti di e indicenan di condicionnan economico actual y condicionnan economico a corto plaso, a nota un subida di 9,2 punto di indice te na 106,5 riba 100 desde e promer trimestre di 2018, cual ta refleha un mehoracion den confiansa di negoshinan (Grafiek 1) . Esaki ta debi na un mehoracion den e percepcion di negoshinan pa cu tanto condicionnan economico actual y a corto plaso.

E indice di condicionnan economico actual a expande cu 11,7 punto di indice te na 105,4 compara cu 93,7 den e di promer trimester di 2021. Tambe, e indice di condicionnan economico a corto plaso a registra un crecemento di 5,0 punto di indice, esta for di 102,7 den e di promer trimester di 2021 te na 107,7 den e di segundo trimester di 2021 (Tabel 1). E porcentahe di encuestadornan cu ta premira un crecemento economico positivo den e siguiente 12 lunanan, a nota un subida substantialmente, esta di 34,8 punto di porcentahe te na 61,3 porciento.

Pa locual ta e impacto causa door di e pandemia di COVID-19, BCA a amplia e encuesta di percepcion di negoshi, pa asina tambe evalua e percepcion riba su impacto ariba benta di negoshinan, necesidad pa aplica pa fondonan di emergencia y e expectativa di recuperacion economico. Den cuadro di esaki, mester tuma nota cu solamente un tercera parti di e negoshinan encuesta (32,5 porciento) a indica cu e pandemia di COVID-19 a sigui tin un impacto significante riba e benta di nan negoshi, esta 12,2 punto di porcentahe menos compara cu e di promer trimester di 2021. Di otro banda, mas negoshi ta anticipa subidanan den prijs den e siguiente 12 lunanan.

Empleo y salario

Den segundo kwartaal di 2021, e porcentahe di encuestado reportando cu ‘no tin cambio’ den e cantidad di empleado a aumenta un tiki, i.e. cu 0.4 punto porcentual na 45.0 porciento den e kwartaal bao revision, un aumento for di 44.6 porciento den e prome kwartaal di 2021.

Mientras tanto, e cantidad di encuestado indicando ‘mehoracion’ den condicionnan di empleo a aumenta cu 14.3 punto porcentual, mientras esnan reportando ‘empeoramento’ den condicionnan laboral a cay cu 14.5 punto porcentual (Chart 3).

Cu referencia na salario averahe durante segundo kwartaal di 2021, e porcentahe di encuestado reportando cu ‘no tin cambio’ den e gasto averahe di salario a reduci cu 0.9 punto porcentual, i.e. di 42.2 porciento den prome kwartaal di 2021 na 41.3 porciento den e kwartaal bao revision. Mientras tanto, e porcentahe cu a registra ‘mehoracion’ den condicionnan di salario a aumenta cu 19.6 punto porcentual na 37.6 porciento, y esnan reportando ‘empeoramento’ di condicionnan di salario a contrae cu 18.4 punto porcentual na 21.3 porciento (Chart 4).

Inflacion y Crecemento Economico
 Den terminonan di condicionnan economico a largo plaso durante proximo 12 luna, 35.o porciento di encuestado a anticipa inflacion pa ta entre 2 pa 3 porciento, mientras 26.3 porciento a pronostica e tasa di inflacion pa ta entre 1 y 2 porciento.

Pa loke ta trata e prijs pa producto y servicio durante proximo 12 luna, 52.5 porciento di encuestado a anticipa cu prijs ta bay keda mescos. Esnan cu expectativanan di aceleracion di prijs a nota un aumento di 19.7 punto porcentual na 46.3 porciento. E encuestadonan sperando un reduccion di prijs a cay cu 10.8 punto porcentual na 1.3 porciento.