(EFE) – Por lo menos 90 centro comercial di Colombia ta promove inmunisacion contra coronavirus mediante descuento, promocion y otro estimulo pa personanan cu ta presenta e carchi di vacunacion, cu esaki nan tambe ta busca haci impulso di reactivacion economico di e pais.
Aunke Plan Nacional di Vacunacion a logra avancenan significativo, Gobierno Colombiano ta enfrenta e reto di supera e rechaso di parti di algun sector cu ta duda di e efectividad di e vacunanan, un temor cu a wordo crea pa noticianan falso riba efectonan secundario of tambe pa posicion duna pa gruponan religioso.
Te e fecha a wordo aplica 31.149.291 vacuna na e pais di e laboratorio Pfizer, Sinovac, AstraZeneca y Moderna, asina como tambe Janssen.
Di e total ey, 13.5 miyon tin e dos dosis caba di vacunacion, loke ta ekivalente pa 27% di e poblacion total di e pais, segun datonan di Ministerio di Salud.
Te momento, pandemia a laga 122.953 fayecido y mas di 4.8 miyon contagio na e pais, cifranan cu a mantene abou den ultimo simannan, loke ta atribui esey den parti pa e vacunacion.
“Desde comienso na Colombia a sinti e intencion di e personanan pa vacuna y e deseo ey tin un aumento significativo y ta p’esey cu a genera un motivacion adicional di e posibilidad pa haya beneficionan y descuentonan na centro comercial ora ta mustra e carchi di vacunacion”, e director di Asociacion Colombiano di Centro Comercial (Acecolombia), Carlos Hernan Betancourt a sigura.
El a recorda cu e gremio a pone den mas di 80 centro comercial di e pais “puntonan di vacunacion, pa acerca e vacunacion ey na personanan, pa comunidadnan, pa haci’e mas comodo y mas facil”.
