(NLTimes) –Cantidad di compania Hulandes ainda ta vulnerabel pa atakenan cibernetico y hackernan, despues di un leak den server di email di Microsoft Exchange descubri na april ultimo, segun compania di seguridad cibernetico, Secutec Nederland a bisa BNR.
Desde cu Microsoft a auncia e leak na april, a lansa tres patch di seguridad. Pero cantidad di compania no a instala nan ainda, y pa e motibo aki ainda ta vulnerabel. Te awo, Secutec Nederland a haya alrededor di 2,300 compania cu ainda no a instala e patchnan aki, segun director Martijn van Lom a bisa e noticiero. “E scan ta andando, pues e cantidad por aumenta mas ainda.”
Secutec tambe a investiga e vulnerabilidad mes, y a haya cu e ta ‘siendo explota activamente’. Pues companianan cu ta usa Microsoft Exchange y no a instala e actualisacionnan di seguridad ta den berdadero riesgo.
“Ta facil pa drecha door di djis usa e patch. Nan tin e informacion corecto riba esey. Pero hopi compania ta depende riba nan partner di IT. Si nan no tin cos den ordo, e ora por keda sin hacie”, Van Lom a bisa. El a agrega cu e miles di compania cu ainda no a instala e patchnan ta mustra cu ‘aparentemente ta necesario pa adverti companianan riba esaki’.
