(LaPatilla) – Franklin ta depende di biento pa por move su boto chiktio, cu awo ta funciona cu bela, mientras cu Manuel ta pusha e pedalnan di su “bicitaxi”, bais-taxi, bou di e solo cayente di Zulia, e estado cu a wak e industria di petroleo nace na Venezuela y cu awe ta afecta pa e escasez di cronico di combustibel.
Den marduga, Franklin Romero ta punta e remonan cu e mes a torah y ta dentra e bahia di e lago di Maracaibo, un di esunnan mas extenso di Sur America.
Personalmente e ta sufri e falta di gasolin cu a bira pio desde tres aña pasa na e interior di e pais, cu a pasa di refina 1.3 miyon bari di petroleo pa dia pa importa nan, algo cu expertonan ta atribui na e maneho malo y corupcion.
“Nos ta usa e bela paso no tin gasolin”, e ta comenta na su regreso di su biahe, mientras e ta saca e awa cu a drenta e barco. E belanan ta torah di baranan di palo y tela di klechi di cama of di lona di plastic.
Na Maracaibo, na e otro banda di e bahia, e taxinan di pedal cu ta traslada pasaheronan den un bais modifica cu un di tres wiel, asiento y un dak di tela pa cubri di solo, ta multiplica.
Un di e “bicitaxi” of “ciclotaxi” ta wordo maneha pa Manuel, ex-chauffeur di bus cu tabtain un capacidad di 50 pasahero. “Door di e cuestion di e gasolin e doño mester a stop e y mi a keda sin trabou”, e homber di 28 aña ta splica mientras e ta drecha un di e tairanan di su bais.
Manuel, ken ta en espera di su prome yiu, ta sostene cu nan tabatin mester di mas o menos 200 dollar pa dia den combustible pa por a mantene un bus activo, impagabel cu un ticket den placa local, e bolivar, destrosa pa casi cuater aña di hiperinflación.
