CAR03. CARACAS (VENEZUELA), 04/10/2018.- Trabajadores de la Universidad Pedagógica Experimental Libertador (UPEL) protestan para pedir el cobro completo de su salario hoy, jueves 4 de octubre de 2018, frente a la sede del Ministerio de Educación Superior, en Caracas (Venezuela). Empleados públicos venezolanos mantienen diferentes protestas en reclamo de mejoras salariales y el fin de la crisis que padece el país. EFE/Miguel Gutiérrez

(LaPatilla) – Venezuela ta registra e salarionan mas abao di America Latino y e Caribe y esey ta un tendencia desde cu e tamaño di e economia di e pais a cuminsa cay desde 2013, segun La Prensa de Lara ta señala.

Den actualidad e salario minimo ta fiho na 7 miyon di bolivar cu ta ekivalente na 1.70 cents di dollar pa luna, hopi abao di Haiti, e pais cu historicamente tabata esun mas pober di e hemisferio, cu tin un salario minimo di 79 dollar pa luna.

Esunnan mas afecta ta e trahadonan di e sector publico, pues hopi di nan mester biba di e caridad di hende of di e economia informal pa come, y nan ta recorda cu dolor con den pasado, un profesional universitario tabata por gana hasta mas di mil dollar segun e sector cu e tabata traha aden.

Salomon Vargas ta obrero di e gobernacion di Lara, y pa sobrevivi e ta bendedo ambulante na e mercado El Manteco unda e ta comercialisa awacati. “Mi salario base pa quincena ta duna lastima, mi tin mas di 25 aña di servicio y apenas mi ta cobra seis miyon 465 mil bolivar (1.70 cents di dollar pa luna). Cu e cantidad ey loke mi por cumpra ta un kilo di hariña y 100 gram di manteca”, el a expresa.

Segun e economista Naudy Pereira a splica, tanto e devaluacion di e bolivar manera e radiodifusion excesivo di placa inorganico cu e Banco Central di Venezuela (BCV) ta crea pa financia e deficit fiscal di e regimen di Nicolas Maduro y pa PDVSA, provocando un hiperinflacion for di november 2017 na Venezuela, ta dos di e causaan cu a caba cu e poder di compra di e Venezolanonan.

“E obrero ey cu ta gana 1.70 cents di dollar pa luna ta den un pobresa extremo, su trabao no ta yega pa cubri su necesidadnan esencial. E Banco Mundial ta establece cu un persona cu ta gana 1.90 cents di dollar pa dia dificilmente por alimenta nan mes. E salario di e Venezolanonan a wordo reduci debi na e caida fuerte di e produccion nacional di bienes y servicionan. Den e medida cu e Producto Interno Brutto (PIB) ta vaym cu ta di 83% for di 2013, den e medida ey e salario di e trahadonan ta wordo reduci”, el a bisa.