2017 a cuminsa y cu e aña nobo a cuminsa e ciclo politico na diferente pais riba continente di Sur America, cu tin proceso di eleccion den e aña aki.
Ecuador
Dia 19 di februari proximo Ecuador lo eligi un presidente nobo despues cu Rafael Correa a sinta dos periodo consecutivo. Tambe lo eligi 137 representante di asamblea na februari di e aña aki.
Honduras
E proximo eleccion di presidente di Honduras lo ser celebra 26 di november di 2017.
Mexico
E proximo 4 di juni ta bay tuma lugar e proceso di eleccion municipal na Mexico. Nan ta spera pa renoba autoridadnan di Veracruz, Ciudad di Mexico, Nayarit y Coahuila. E eleccion aki ta sirbi di referencia pa conoce e panorama kico por sucede ora cu pueblo Mexicano lo ta eligi e reemplaso di presidente Enrique Peña Nieto.
Argentina
Den aña aki Argentina ta bay celebra eleccion legislativo pa renoba Camara di diputado y un parti di Senado.
Chile
19 di november proximo ta celebra e eleccion di presidente na Chile, hunto cu proceso di eleccion di diputado, senador y conseheronan di region.
Bolivia
Riba 26 di november ta celebra proceso di eleccion di hurisdiccion na Bolivia. Den e proceso aki ta eligi miembronan di Tribunal Constitucional Plurinacional, Tribunal Supremo di Husticia, Tribunal Agro-ambiental y Conseho di Magistratura.
