(TMZ) – Marca y diseñador di paña famoso Italiano ta demandando Kendall Jenner pa motibo cu e modelo a presenta na solamente 1 di e 2 sesionnan di potret pa cualnan el a ser contrata, pero su ekipo di maneho ta bisa cu e culpa ta riba di COVID y e compania a nenga di ta flexibel.

Segun e demanda cu a ser poni pa Liu Jo, e compania a forma un acuerdo cu Kendall na comienso di aña 2019 pa paga su persona 1.5 miyon dollar pa 2 sesion di potret, un pa Lui Jo su colleccion Spring/Summer 2020 y otro cu e intencion original di ser usa pa e colleccion Fall/Winter 2020.

Liu Jo ta bisa cu Kendall a presenta y a cumpli cu su obligacion pa e prome sesion den aña 2019, y a ricibi mas di 1.3 miyon prome cu februari 2020, ora cu tabata tempo pa haci e siguiente sesion di potret, pero e pandemia di coronavirus a cuminsa gara forsa.

Segun e documentonan, e gran marca di moda Italiano a ofrece pa cambia e dia di e sesion di potret pa mas final di 2020, pero ta alega cu Kendall “finalmente a nenga tur di Liu Jo su intentonan di ofrece un solucion cu lo beneficia ambos partido.”

E compania ta bisa cu tambe nan a purba di traha cu su persona den october di aña 2020 ora cu Kendall ya caba mester a bay Italia pa tin un sesion di potret cu un otro diseñador, pero Kendall a nenga esaki bisando cu supuestamente esaki no lo por fit den su schedule.

Liu Ja ta conta cu na e momentonan aki nan a realisa cu e modelo no tin ningun intencion di cumpli cu su contract, y a tuma e decision di tuma accion legal. E compania ta pidiendo den su demanda por lo menos 1.8 miyon dollar pa tur e dañonan causa pa e falta di a cumpli cu e contract.

Sinembargo, nos a ricibi informacion di parti di Kendall su ekipo di maneha, cual ta bisa cu Kendall y su ekipo a purba varios biaha di yega na un acuerdo unda cu nan lo por a tene e sesion di potret aki na Merca durante e pandemia, pero ta e compania a nenga di haci esaki. Segun nos fuentenan, semper tabata su intencion di cumpli cu e contract, y e modelo cu su ekipo ta lamenta cu Liu Jo a dicidi di tuma e ruta aki.

Un vocero di The Society Management ta conta TMZ cu “e demanda aki no tin merito. The Society Management, como representante di Kendall Jenner a haci ofertanan continuo na Liu Jo di dianan alternativo, y caminda nan tambe pa asina por cumpli cu un acuerdo cual a ser posponi pa motibo di e pandemia di coronavirus.”

Tambe a ser declara cu Kendall Jenner “a expresa tur su boluntad di completa e servicionan, honorando su responsabilidad, obligacion y acuerdonan haci.