(AP) – U.K tin plan di ofrece vacuna contra coronavirus pa muchanan di edadnan 16 y 17 den e siguente simannan despues cu e cuerpo independiente di cientifico ta haci recomendacion na e gobierno a cambia nan conseho.

E 4 nacionnan di U.K tur a acepta e cambio aki di e Joint Committee on Vaccination and Immunization, cual aworaki ta dicta cu un hoben saludabel di 16 pa 17 aña di edad por ser ofreci e prome dosis di e vacuna Pfizer. Nan no lo tin mester di consentimento di nan mayornan.

E cambio aki, cual ta nifica un otro 1.4 miyon di persona rond di U.K lo bira eligibel pa ricibi e prome dosis di e vacuna, ta bini 2 siman despues cu e Joint Committee on Vaccination and Immunization a recomenda contra di e vacunacion di rutina pa e personanan bao di 18 aña di edad, aunke cu nan a remarca cu nan lo keda procesa evidencia, indicando cu lo por tin cambio den e declaracion aki.

Actualmente, solamente e hobennan di 16 y 17 aña ta ser ofreci e vacun di Pfizer, cual a ser aproba pa Britain su regulador medico pa cualkier persona di 12 aña bay ariba, of personanan cu tin condicionnan di salud existente of ta biba cu un persona di halto riesgo.

“Mientras cu COVID-19 ta sea cu sintomanan leve of sin sintoma mes den hendenan hoben, e por ta tiki placentero pa algun y pa e grupo di edad particular aki, nos ta premira cu un dosis di vacuna por provee un bon cantidad di proteccion contra dcasonan severo y hospitalisacion.,” segun Profesor Wei Shen Lim, ken ta cabesante di Joint Committee on Vaccination and Immunization su programa pa cu COVID-19.

E tempo den e cual e muchanan aki di 16 y 17 aña di edad lo mester ricibi nan di dos dosis te ainda mester ser determina, pero e cientificonan lo sigui haci recomendacionnan mas despues basa riba nan respuesta pa cu e prome dosis.

Mientras cu e programa di vacunacion Britanico tabata un di e mas lihe rond di mundo, cu 89% di nan adulto cu e prome dosis y 73% di nan adulto completamente vacuna, e pais tabata bastante poco poco cu e vacunacion den hendenan mas hoben. Nan tin tempo caba un yamadanan cu ta keda aumenta pa expande e grupo cu ta eligibel pa ricibi e vacuna despues di a mira un aumento den e infeccionnan den e temporada di vakantie aki, como resultado di e variante cu ta hopi mas transmisibel delta y e hecho di a kita tur e restriccionnan pa cu e cierenan.

Apesar di e cambio di diaranson, U.K te ainda ta atras di e otro paisnan Europeo manera Francia y Alemania kendenan ta ofreciendo e vacuna na muchanan di 12 aña di edad y mas. Britain su Joint Committee on Vaccination and Immunization a bisa cu nan lo constantemente keda revisa e datonan tocante vacunacion di e personanan cu ta bao di 16 aña di edad, y lo keda actualisa nan posicion de acuerdo na e resultadonan di nan investigacionnan y e datonan aki.

Profesor Jonathan Van-Tam, England su cabesante di oficialnan medico, a bisa cu “no tin tempo pa perde” y cu e ta premira cu un programa di vacunacion lo cuminsa “den corto tempo”, cual ta coincidi cu e reapertura di scolnan despues di e vakantie aki.

E programa di vacunacion aki cual a caba di expande ta bini den bista di evidencianan nobo unda cu e vacunacion den adultonan mas hoben na Britania a cuminsa perde velocidad den e simannan reciente aki, hecho cu a motiva e Gobierno Britanico pa ofrece recompensa manera descuento na tiendanan y pizza gratis pa asina por persuadi hobennan pa ricibi nan vacuna.

Wei Shin Lin, Joint Committee on Vaccination and Immunization a bisa cu tabatin hopi comentario di e hobennan cu tabata kier eherce nan derecho di scoge pa nan mes.

“Asina ta cu nan kier ser ofreci e vacuna, nan ta compronde e riesgonan y e beneficionan di e vacuna, y pa motibo aki nan kier tuma un decision pa nan mes si di berdad nan kier ricibi e vacuna of no, pero pa nan por eherce of haci esaki, nan mester ricibi e status di persona eligibel, pa asina por tuma e decision di ricibi nan vacuna,” Lim a declara.

Prome Minister Britanico Boris Johnson, durante un bishita na Scotland riba diaranson a duna tur su apoyo na e cientificonan den nan cambio di posicion revisa.

“Mi kier urgi si, na tur famia cu ta poniendo nan atencion, habriendo nan wowo, nan oido y poniendo nan mirada riba di nos den henter e nacion, pa tende na e conseho cu Joint Committee on Vaccination and Immunization ta dunando nos,” Prome Minister Boris Johnson a expresa.