Manera a keda conoci diamars ultimo, e detencion di Benny Sevinger a keda suspendi segun un comunicado cu Ministerio Publico a duna di conoce y cu na mesun momento ta duna oportunidad pa e por huramenta como parlamentario di e partido berde.
Ayera mainta mediante un publicacion di un periodista conoci na unda tabatin inclui e potret di e carta di invitacion pa huramentacion a wordo informa cu Oslyn Benito Sevinger cu a sali for di KIA cu cierto condicionnan segun Ministerio Publico a informa, lo wordo huramenta mañan diabierna 6 di augustus 1or y mey di merdia na Cas Ceremonial di Gobernador Alfonso Boekhoudt.
Di mesun manera, tambe a señala cu como invitado na e huramentacion Sevinger por hiba dos persona di su famia pa motibo di pandemia di Covid-19.
Di e forma aki, Parlamento di Aruba lo ta completo cu su 21 miembro ya cu Sevinger a haya mas di 1.600 voto dia 25 di juni ultimo den eleccionnan y asina el a keda eligi cu voto preferencial pa por forma parti di e parlamento.
