(CuraçaoChronicle) – Banco di seguro social di Corsou, Svb ta sorprendi pa e critica fuerte cu minister di Finanzas, Javier Silvania a expresa riba su pagina di Facbeook. Den un entrevista, Svb a bisa cu despues cu a entrega e reporte financiero, no tabatin consulta cu e minister.
Svb tabata sorprendi cu e minister subsecuentemente a responde na e reporte riba rednan social. Segun e vocero di Svb, e salario di director di Svb, Philip Martis manera menciona pa e minister tambe ta incorecto.
E minister ta cuestiona politica di Svb. Por ehempel, e minister ta bisa: “Imagina bo. Expertonan a bin cu idea di elimina e bonus di Pasco pa pensionadonan di Svb pa asina reduci costo. Gabinete Pisas a bisa ‘no way’. Laga Svb cuminsa reduci su gastonan operacional.” Igualmente a critica cu e banco di seguro social a bin cu idea di aumenta e premium pa seguro social, y ta sugeri pa SBAB cuminsa check e companianan cu tin empleadonan ilegal cu no ta contribui; y cu expertonan a bin cu idea di reduci beneficio di AWW cu dies porciento, y ya cu viuda ta ricibi apenas 400 florin di Svb, e ta sugeri cu no por corta mas den esey.
Riba otro post, e minister a discuti e salario di director di Svb, bisando cu e minister di Finanzas ta gana ocho mil florin pa luna mientras e director di Svb ta gana cien mil florin pa luna. Pa baha gasto, Svb no kier paga bonus na pensionado.
Sinembargo, Svb no a revela e salario ‘corecto’ di e director ni a duna mas clarificacion riba e ponencianan di Silvania.
