(DiarioLibre) – E fiscal di Puerto Principe, Bed-Ford Claude, cu ta encarga cu e caso di e asesinato di e president di Haiti, Jovenel Moise, a emiti diamars cinco orden nobo di aresto pa un empresario, dos lider politico y dos pastor considera como “sospechosonan”.
Entre esunnan señala aworaki pa e fiscal tin e miembro di e partido ‘Tet Kale’, na cual Moise tabata pertenece, Line Balthazar, como tambe e lider di e partido Inifos, Paul Denis y e pastornan portestant Gerard Bataille y Gerard Forges, e medio Haitiano Alter Presse ta informa.
Bataille y Forges tabata forma parti activamente di protestanan contra e presidente formando parti di yama Comision Protestant contra dictadura di Haiti, segun e medio Haitiano ta informa.
E orden di buskeda y captura ta wordo hiba dilanit y ta acusa nan di “intento di homicidio, hortamento arma y asesinato”, den perhuicio di e president. Recientemente, tambe a wordo publica un orden di buskeda contra e hues Wendel Coq Thelot.
Algun vos y activistanan di derechonan humano a lanta contra e decisionnan aki ora cu ta wordo considera cu ta trata di “persecucionnan politico y ilegal”.
Moise a wordo tira mata dia 7 di juli pa un commando di mercenarionan Colombiano contrata pa un empresa di seguridad di Miami maneha pa un Venezolano.
Mas di 40 persona a wordo deteni, entre nan mas di 20 ex-militarColombiano y cinco ciudadano cu nacionalidad Haitiano y Mericano, ademas di varios polis.
