(LaPatilla) – Gustavo Carrasquel Parra, director di e Fundacion Azul Ambientalista, ta recore e costa Venezolano cu un ekipo di buceado y surfista.
Nan ta dedica na haci extencionnan grandi di e ecosistema marino y di e costanan limpi. Desde 1968 e ONG ecologico y conservativo aki ta presidi, nativo di Maracaibo, cu a crea ekiponan ambiental na 38 scol di surf y 10 unidad ambiental, for di Adicora, na Falcon te na Mercuro, na Sucre, pa haci lamanan y costanan limpi.
“Nos ta purba conscientisa ariba e deramenan di petroleo”, Carrasquel ta bisa, “siña e manera den cual nos mester contesta, inmediatamente, y cua ta e tecnicanan adecuado pa kita e alkitran”.
Venezuela tin 12 grupo di islanan di dependencia federal cu reservanan marino y aproximadamente 673.500 hectar di mangel, presenta na 33% di su areanan di costa. Cerca di e mangel, na e rifnan, e orbicella ta biba, un tipo di coral esencial pa e habitat marino, e paisahe bioclimatico aki yen di especienan unico cu, debi na diferente factornan di riesgo, awe nan ta den peliger.
Y no solamente door di cambio climatico. Na mei di 2019, e empresa Lake Blue, di e cadena Hesperia, a cuminsa construi un canal di nabegacion di 1.5 kilometer di largo y 1.5 meter cu lo cruza e mangelnan di Cuare. E mangelnan ey ta parti di e refugio di fauna salvahe di Cuare. Desde un aña caba e Fundacion Azul Ambientalista ta protesta contra e proyecto ey cu ta contamina cu sushi y ta haci cu zonanan di reproduccion y cria di hopi especie ta bay perdi. Entre nan tin un coral esencial: e orbicella.
