(AP) – Riba dialuna Merca finalmente a yega President Joe Biden su meta di vacuna por lo menos cu un dosis 70% di Merca su adultonan, aunke un luna despues di loke a premira y den medio di un brote motiva pa e variante delta cu ta yenando hospitalnan y ta treciendo mas reglanan pa cu e bistimento di tapaboca y vacunacion obligatorio den cierto parti di e pais.

Den un parti profundo den parti Sur, Louisiana a ordena practicamente tur hende, sea cu nan ta vacuna of no bisti tapaboca atrobe den edificionan cera, incluyendo scolnan y universidadnan, y otro cidudadnan, estadonan tambe ta tumando precaucion y ta poniendo e medidanan aki atrobe pa por combati un crisis cu ta causa pa e variante cu ta plama hopi mas lihe delta, y e resistencia cu e pueblo te ainda tin pa cu e vacuna.

“Mesun lihe cu nos ta laganan bay cas, asina mes nan ta bolbe drenta, y nan ta drentando hopi malo. Nos a cuminsa mira famianan henter bini serca nos,” Dr. Sergio Segarra ta lamenta, ken ta oficial ehecutivo medico di Baptist Hospital Miami. E franquisia di centro medico na Florida aki a reporta un aumento di casi 140% den e ultimo dos simannan aki, y e cantidad di personanan hospitalisa pa motibo di e virus.

Biden a bini cu un meta di vacunacion di 70% pa dia 4 di juli. E figura aki tabata e comienso di un estimacion di e Gobierno pa loke tabata necesario pa yega na inmunidad general na Merca. Pero esaki a ser declara insuficiente pa e variante contagioso delta, cual a causa un brote di e virus atrobe.

No tabatin ningun tipo di celebracion na e Cas Blanco riba dialuna, ni tampoco un meta nobo, pa motibo cu e administracion te ainda ta lucha contra e problema di por combati e dudanan y hostilidad di e pueblo den contra di e vacuna, specialmente den areanan den e parti sur, y otro areanan conservativo.

Merca te ainda no a yega administracion su otro meta di vacuna completamente por lo menos 165 miyon di e Mericanonan adulto prome cu juli 4. Te ainda ta falta mas o menos 8.5 miyon.

Casonan nobo pa dia den Merca a aumenta mas di 6 biaha durante e ultimo luna aki pa un averahe di casi 80,000, un nivel cu no a ser mira desde mita di februari. E mortonan pa dia tambe a aumenta durante e ultimo dos simannan di un averahe di 259 pa 360.

Esaki te ainda ta keda bao di 3,400 morto y un cuart di miyon caso pa dia mira durante e pio parti di e pandemia den januari. Pero algun parti di e pais ta mirando e cantidad di casonan yega nivelnan halto cu no a ser mira desde comienso di e pandemia. Y casi tur e mortonan y enfermedadnan serio ta den personanan cu no ta vacuna.

E brote aki ta hiba cu estadonan y ciudadnan rond di Merca a cuminsa bay contra di salimento y biahenan, despues di loke tabata mustra un temporada di vakantie cerca di normal.

Oficialnan di salud na San Francisco y 6 otro pueblo di Bay Area a anuncia riba dialuna cu nan lo ta reinstituyendo un rekisito cu tur hende, sea vacuna of no, bisti tapaboca den espacionan publico.

Gobernador Andrew Cuomo di New York a bisa cu New York City su empleadonan di airport y transito lo mester ricibi nan vacuna y testnan gratis cada siman. El a revela cu e no lo ta haciendo un mandato pa vacuna ni pa impone uso di tapaboca pa motibo cu e no tin e autoridad legal di haci esaki pa henter e estado.

E ciudad di Denver a bisa cu nan lo rekeri pa polis, brandweer y algun otro empleadonan municipal ribici e vacuna, hunto cu empleadonan di scolnan, casnan di cuido pa hendenan di edad avansa, hospitalnan y pa prizon.

Minnesota su colegionan y universidadnan publico lo rekeri uso di tapaboca paden, no importando e status di e vacuna. New Jersey a bisa cu e empleadonan di casnan di cuido cu ta maneha pa e estado, hospitalnan pediatrico y otro institucionnan similar lo mester ricibi e vacuna of lo mester somete na testnan regular.

North Carolina su gobernador a ordena tur empleado di estado pa usa tapaboca paden si te ainda nan no ta vacuna.

Secretaria di prensa di e Cas Blanco a bisa cu e rekisito di vacunacion pa henter e nacion no ta riba mesa, pero si a nota cu e dunadonan di trabao tin e derecho di tuma e decision aki y impone esaki den nan establecimento.

E Senado di Merca a mira e prome caso den persona ya vacuna cu e Senador Republicano Lindsey Graham di South Carolina bisando cu su persona tin sintomanan leve.

Na Florida, el a tuma 2 siman den vakantie di aña pasa pa personanan den hospital cu COVID-19 bula for di 2,000 pa 10,000. El a tuma solamente 27 dia pa e estado di Florida su hospitalnan mira e mesun suma aki den e temporada aki, segun Florida Hospital Association su President Mary Mayhew.

Tambe el a nota cu na e tempo aki, 96% di e pashentnan hospitalisa di COVID-19 no tin e vacuna, y nan ta hopi mas hoben, hopi di nan den e edadnan di 20 pa 30.

Den e brote aki, Gobernador Republicano Ron DeSantis a bolbe para bek tras di su campana contra tapaboca y contra di ciere advirtiendo den un e-mail durante e weekend bisando “nan ta purbando di kita boso libertad atrobe.”