Un video ariba Youtube a causa un sensacion grandi den e pais, den cual tres muhe ta denuncia e cantante di e banda di rock “El Otro Yo” Cristian Aldana pa abuso sexual tempo cu nan tabata menor di edad. Nan ta parti di 10 persona femenino cu a haci denuncia contra Aldana, cu ta preso desde december di aña pasa. Den e video, cu tin e titulo “Ya no nos callamos más” e tres muhenan ta conta con e cantante a seduci nan tempo cu nan tabatin 14 – 15 aña. E relacion cu e cantantea cuminsa como cu e muchanan tabata fanatico di e banda y di Aldana. “E prome hecho tabata den un orgia. Nos tur tabata menor, ami tabatin 14 aña. Tabata mi prome relacion sexual”.
“E prome ocasion cu mi tabata cune mi tabatin 14 aña y tabata di dos biaha cu mi a mire. Mi a bay su cas, despues di scol. Mi a drenta y el a bisami “Bo ta masha puta anto?” El a birami y a penetrami di atras sin puntrami. Tabata di dos biaha cu mi tabatin sexo”.
“Mi a denuncie pa prome vez na 2010. El a contagiami cu hepatitis B na mi 15 aña”. Asina crudo y estremecedor cada un di e relatonan ta cu ta aparece den e video di casi 10 minuut, den cual e tres personanan ta duna relato di nan experiencia.
E rockero Cristian Aldana a keda deteni pa abusa di varios fan menor di edad.
A denuncia Aldana pa prome biaha na 2010, pero no a sigui cu e proceso e tempo ey. Desde fin di December 2016 e ta deteni atrobe y ta parce cu e biaha aki su situacion ta bastante mas complica, cu e diez denuncianan en total. Hues Roberto Oscar Ponce, di Juzgado Nacional di Instruccion N° 17 di Ciudad di Buenos Aires, no a honra e pedido di laga Aldana liber loke su defensa. Aldana ta acusa di delito di abuso sexual gravemente ultrajante, contra menor di edad den siete oportunidad. E testimonio di Ariell, Charlie y Felicitas a sali riba e site La Matria y den menos di 24 ora tabatin mas di 720.000 reproduccion.
