Curoil ta bay cuminsa importa LPG den forma comprimi

(CuraçaoChronicle) – Compania estatal Curaçao Oil (Curoil) lo cuminsa importa LPG comprimi cuminsando proximo luna. Lo warda e gas den 28 container na e refineria.

Curoil ta bin importando LPG pa algun tempo caba, pero tanto importacion como almacenahe ta bay conoce cambio. Anteriormente, tabata almancena e gas den tankinan refrigera, pero awo ta tene esaki na temperatura ambiente.

Segun Curoil, e metodo nobo di almacenahe lo mester resulta den reduccion significante di gasto, maske segun medionan di comunicacion local, no a revela un suma cu ta spera di spaar.