(LaPatilla) – Venezuela ya e pais cu pio a administra e pandemia di COVID-19 y e proceso di vacunacion na America Latino, segun un estudio publica diasabra pa e consultor internacional Ipsos. Completamente contrario na loke ta sucede na Chile, e pais cu miho cualifica pa e consultor den su investigacion.
E informe, cu a conta cu e participacion di 380 lider di opinion den full e region, a punta cu e 76% di esunnan cuestiona a balora positivamente e realisacion di e gobierno Chileno den e maneho di e crisis sanitario, birando e nacion miho evalua.
Mientras tanto, Brasil tabata esun cu a obtene e pio cualificacion, cu un 95% di desaprobacion, sigui a Venezuela (75%) y Peru (65%).
Pa locual ta e proceso di vacunacion, Chile a bolbe bira e miho pais, cu un 88% di aprobacion, pasando Uruguay (72%), Colombia 48%) y Argentina (42%).
E proceso di vacunacion pio evalua tabata esun di Venezuela, cu solamente 8% di aprobacion, sigui pa Brasil (13%) y Bolivia (28%).
Chile a lansa un di e campañanan di vacunacion contra COVID-19 mas exitoso y elogia na mundo, cu te cu dia di awe ta alcansa mas di 85% di e poblacion obhetivo cu un dosis y e 78% cu dos dosis, e mayoria cu Coronavac, y den menos cantidad cu Pfizer, AstraZeneca y Cansino.
Pa locual ta trata e labor concreto di e mandatarionan pa enfrenta e pandemia, e miho evalua tabata Luis Alberto Lacalle Pou, di Uruguay, cu un 68% di apoyo, y e segundo tabata e Chileno Sebastian Piñera, cu un 50% di apoyo.
E pionan tabata e presidentenan Miguel Diaz-Canel (Cuba, 68%), Jair Bolsonaro (Brasil, 85%) y e dictador Nicolas Maduro (Venezuela, 90%)
