(NLTimes) – E proximo gabinete Hulandes lo mester pone un banda 500 miyon euro anualmente pa e pais prepara pa combati cambio climatico, segun Cora van Nieuwenhuizen a bisa den un entrevista cu AD.
E minister encarga di Infrastructura y maneho di awa a bisa cu mester gasta placa riba inversionnan cu por miho ekipa Hulanda pa combati tanto inundacion como secura, y tambe lo mester wordo usa pa haci e vianan di trein, caretera y canalnan di e pais capaz pa sostene e efectonan di cambio climatico, incluyendo calor y clima extremo.
“E inversionnan aki no ta nada compara cu e daño ora bo ta cada bes mas afecta pa e tipo di clima aki”, Van Nieuwhuizen a bisa e corant. E minister, miembro di partido politico conservador VVD, a declara cu e inundacion na Hulanda y paisnan bisiña un siman atras lo duna impulso pa gobiernonan trata e asunto cu mas urgencia.
Oficialnan den cuidad di Valkenburg a calcula de daño di inundacion na alrededor di 400 miyon euro, dividi na mita entre daño fisico y perdida di entrada pa negoshinan. Valkenburg ta cas na alrededor di 17mil residente en total.
“Si e coleganan na e mesa di formacion realmente kier traha riba esaki, nan mester aloca mita di un biyon pa aña. Y mas ainda si nos kier yuda otro gobiernonan for di e gobierno nacional tambe”, Van Nieuwenhuizen a bisa.
Mester continua ampliando riunan, el a bisa, y mester reforsa damnan urgentemente. Gobiernonan regional y huntanan di awa mester enfoca nan atencion riba e estado di acuaductonan mas chikito.
“Nos mester haci esaki hunto: e huntanan di awa, municipalidad- y provincianan no por haci esaki riba nan mes. Y nos mester construi a prueba di clima tur caminda na Hulanda.” Tambe e kier mira mas placa gasta riba e mantencion di acuaductonan Hulandes, incluyendo barera di inundacion y damnan. Uso mas pisa y innovacionnan den e sector ta rekeri un gasto di alrededor di 1.8 biyon euro te cu 2035.
