(CuracaoChronicel) – Secretario di Estado pa Asuntonan Interno y Relacionnan di Reino, Raymond Knops, ta nenga di duna acceso completo na documentonan relaciona cu e recepcion y proteccion di Venezolanonan cu a huy bay Corsou. Esaki ta aparente den e respuesta na un solicitud bao e ley di acceso publico na informacion di Gobierno, WOB.
“Revelacion di cierto paragraf por, den mi opinion, desproporcionadamente perhudica e pais na cual e informacion ta referi. Algun paragraf ta relaciona na e seguirdad interno di e detencion di inmigrante na Corsou. Si haci e paragrafnan aki publico, esaki por conduci na riesgonan pa seguridad”, Knops a bisa.
E Secretario di Estado a haci apenas siete documento publico. Pa e publicacion di e otro documentonan solicita, prome mester haci consulta cu ‘partidonan tercero’. E documentonan cu awo a keda revela ta inclui corespondencia cu ex-prome minister Eugene Rhuggenaath y ex-minister di Husticia, Quincy Girigorie, tocante e mas di 2 miyon euro cu Hulanda a pone disponibel pa haci mehoracion den detencion di inmigrante.
E paragraf mas remarcabel ta e menasa di Knops na Rhuggenaath cu no ta bay transferi e siguiente tranche si e heki pa construi e centro di detencion ta bira menos halto cu 5 meter.
Potret di Ret Karibense.
