Mirando e desaroyonan recien relaciona cu Certificado di Vacunacion di Union Europeo, VNO, e Representante di Hulanda na Aruba, a duna informacion importante pa nos ciudadanonan.

1. Kico ta e EU Digitaal Corona Certificaat? (Certificado Digital di Corona di UE)
E DCC ta e prueba digital cu un persona recientemente a test negativo pa corona, of ta vacuna contra corona cu un vacuna aproba door di EMA, of a recupera di un infeccion di corona. E Certificado Digital di Corona (DCC) ta pone cu aworo ta mas facil pa hende biaha den Union Europeo durante e pandemia di corona.

Paisnan na Europa mes ta determina cua di e pruebanan aki ta acepta ora drenta e pais y bao di cua condicionnan. Por ehempel cua tipo di test ta acepta y con bieu un test mag di ta. Tambe otro medidanan, manera cuarentena pa biaheronan, e paisnan miembro mes ta stipula.

Mas informacion bo por haya riba e website di Gobierno di Reino: www.rijksoverheid.nl

2. Unda e Certificado Digital di Corona di UE ta valido?
E Certificado Digital di Corona di UE por ser uza den tur pais miembro di UE (y na Noruega, Islandia y Liechtenstein y Suisa). Paisnan na Europa mes ta determina cua di e pruebanan aki ta acepta ora drenta e pais y bao di cua condicionnan. Por ehempel cua tipo di test ta acepta y con bieu e test mag di ta. Tambe otro medidanan, manera cuarentena pa biaheronan, e paisnan miembro mes ta determina. Hulanda ta haci esfuerso pa e condicionnan den Europa ta mas tanto posibel igual.

Mas informacion bo por haya riba e website di Gobierno di Reino: www.rijksoverheid.nl

3. Mi ta biba na Aruba y aya mi ta completamente vacuna cu Pfizer/Johnson & Johnson, mi tambe por ricibi un Certificado Digital di Corona di UE?
Gobierno di Aruba ta traha hunto cu Hulanda riba participacion di e isla na e Certificado Digital di Corona Europeo. Intencion ta pa residentenan di Aruba ricibi aworo un Certificado Digital di Corona valida door di UE. Esaki por ta den forma di un prueba di papel of digital den e propio app di e isla. Nos ta conseha bo pa tene e noticianan di gobierno local na bista.

4. Mi ta biba na Aruba y mi no tin un number di BSN. Mi mester tin un number di BSN y/of DigiD pa haya Certificado Digital di Corona?
No, e no ta un condicion cu mester tin un number BSN y DigiD pa ricibi un Certificado Digital di Corona.

Gobierno di Aruba ta traha hunto cu Hulanda riba participacion di e isla riba e Certificado Digital di Corona Europeo. Intencion ta pa residentenan di Aruba ricibi di nan propio gobierno aworo un Certificado Digital di Corona valida door di UE.

5. Mi ta bay Hulanda cu vakantie. Representacion di Hulanda na Aruba por suministra mi un Certificado Digital di Corona di UE?
Representacion di Hulanda na Aruba no ta suministra Certificadonan Digital di Corona. Asina cu finalisa e preparacionnan gobierno di Aruba mes ta bay suministra e certificadonan aki na su residentenan.

6. Mi ta biba na Aruba y ta vacuna aya tambe. Mi por añadi mi datonan di vacunacion na e CoronaCheck-app di Hulanda, of regla un prueba di corona via coronacheck.nl?
No esey no ta posibel. Aruba no a comparti datonan di vacunacion cu RIVM, pa e motibo ey na Hulanda no ta registra si bo ta vacuna. P’esey no por añadi bo datonan di vacunacion na e CoronaCheck app. Tampoco bo por regla un prueba di corona via coronacheck.nl.

7. Mi ta biba na Aruba y mi ta vacuna aya tambe. Con mi ta ricibi un prueba di admision di corona, di manera cu mi por bay un evenemento of actividad na Hulanda?
Aruba no a comparti datonan di vacunacion cu RIVM, pa e motibo ey na Hulanda no ta registra ku bo ta vacuna. P’esey no por añadi bo datonan di vacunacion na e CoronaCheck app. P’esey na e momentonan aki bo no por ricibi un prueba di admision di corona basa riba vacunacion suministra na Aruba. Ta trahando ainda riba esey.

Pronto ora cu Aruba duna un DCC, por us’e tambe como permiso di entrada di corona pa acceso na eventonan na Hulanda. No tin necesidad pa un permiso di entrada Hulandes separa. Mientrastanto, por haya un permiso di entrada di corona na Hulanda a base di test. Esaki ta traha via di un codigo di verificacion, no via di DigiD.

8. Mi ta biba na Aruba y mi ta bay muda pa Hulanda Europeo. Mi ta vacuna na Aruba. Con mi ta registra aworo mi vacunacion na Hulanda?
Aruba no a comparti datonan di vacunacion cu RIVM, pa e motibo ey na Hulanda no ta registra cu bo ta vacuna. Na e momentonan aki bo no por registra bo vacunacion tampoco na Hulanda. Ta trahando ainda riba esey.