(Yahoo) – E asesinato di presidente di Haiti, Jovenel Moise, por tabatin participacion for di Merca, asina director di Polis di Colombia, Jorge Luis Vargas, a bisa.
El a indica cu un ex-militar Colombiano a ricibi e cantidad di 50 mil dollar for di Merca, pa asina planea e operacion hunto cu 7 otro Colombiano y por lo menos 12 persona mas, entre nan mas Colombiano tambe.
Esun cu a keda señala como e culpabel ta ex-militar German Rivera, ken actualmente ta deteni na Haiti. Di acuerdo cu autoridadnan Colombiano e ta esun ken a participa “den planificacion y organisacion” di e asalto cu a caba cu bida di e mandatario Haitiano.
Un informacion nobo cu lo a sali di e confesionnan di e personanan deteni tambe ta detaya cu e promer ministro Claude Joseph, ken a asumi poder di e isla despues di morto di e hefe di Estado, por ta involucra tambe den e crimen aki, di acuerdo cu un investigacion di Noticias Caracol. Autoridadnan policial di Haiti a desmenti e noticia aki. Un hipotesis di autoridadnan Colombiano y FBI ta señala cu e plan di asesinato di e presidente a origina na november di aña 2020 na Miami.
