Fundacion Funari dirigi pa personanan grandi den rolstoel y cu awor nan tambe kier duna servicio na personanan mas hoben a presenta un proyecto nobo cu e fin di haci un actividad pa personanan cu ta den rolstoel y cu tambe tur hende por participa den dje.
Rechenel Statie un hoben den rolstoel a expresa cu e fundacion a acerca su persona pa asina presenta mas ideanan di e manera con por saca e personanan cu ta den rolstoel of cu cualkier discapacidad fisico for di nan cas pa di e manera ey nan por sali un rato y entretene nan mes haciendo algun actividad.
El a indica cu esaki ta un idea diferente cu el a experimenta y cu otro personanan por haci’e pa asina por sali for di nan cas y comparti cu otro hendenan, ta p’esey cu el bin cu e idea di haci un ‘Fun, Walk and Run’ pa tur hende cu ta den rolstoel y otro personanan cu tambe lo kier participa den actividad aki.
Esaki lo tuma luga dia 1 di augustus na unda registracion ta cuminsa 6or di mainta y e actividad mes 7or di mainta cu lo consisti di dos ruta segun loke Statie a sigura, e prome ta di 1.5 kilometer pa esunnan cu ta participa cu rolstoel y otro ta di 5 kilometer na unda personanan por participa cu canamento of coremento saliendo for di Funari, Santo Largo, La Granja y bin back na Funari.
E contribucion ta solamente di 10florin e cual a wordo aclaria cu no ta pa recauda fondonan pa Funari sino pa cubri tur e gasto di e actividad, cu ta inclui un banchi, coy bebe y frutanan.
Pa esunnan cu lo kier participa, por registra na oficina di Funari den orario di oficina te 4or y tambe por yama na 747.1420 of 584.8522
