Despues di algun siman cu Aruba tabata cana bon a dicidi di kita tur medida. Sinembargo kitando tur e medidanan aki si no percura pa keda cu e protocolnan cu tin pa cuida casonan lo por subi. Den e caso aki DVG ta duna informacion cu e datosnan colecta den siman di 2 pa 8 di juli ta indica cu 27 caso positivo nobo a keda registra di cual 16 ta residente y 11 ta turista.
Tambe a recupera un total di 19 persona cu ta haci cu awe 9 di juli Aruba tin un total di 33 caso activo di cual 17 ta residente y 16 ta turista. E averahe di casonan positivo pa dia ta 4 cu ta representa un ‘positivity rate’ diario di 6%. Di e 27 casonan nobo registra, unicamente 4 tabata tin vacuna. Casonan di fayecimento relaciona cu COVID ta na 107. Hospital ta informa di tin interna riba piso general di COVID 5 persona di cual 2 ta turista, 3 local y den ICU tin 1 local. Di esunnan local interna, ningun tin un historia di vacuna.
