(AP) – Juffrouwnan vacuna y studiantenan vacuna no tin mester di bisti tapaboca den edificio di scol, segun Centers for Disease Control and Prevention a bisa riba diabierna, despues di relaha e reglamentonan pa cu COVID19.
E cambionan ta bin den bista di un campanja nacional di vacunacion den cual muchanan di 12 ana di edad ta eligibel pa ricibi e vacuna, y tambe un disminucion general den hospitalisacionnan y mortonan di COVID19.
“Nos ta na un punto nobo den e pandemia cual tin nos tur hopi emociona”, cual ta nifica cu a yega ora di actualisa nos reglanan, guia y consehonan, Erin SauberSchatz, cabesante di e task force di CDC cu ta prepara recomendacionnan disena pa manetene Mericanonan sigur contra COVID19 a comenta.
E nacion su agencia di salud publico mas grandi no ta consehando sconlan rekeri vacuna di e maestronan y alumnonan cu por tuma e vacuna, y tampoco ta ofreciendo guia pa con e maestronan por sa cual studiantenan ta vacuna ni con e mayornan lo sa cual maestronan ta inmunisa.
Esaki probablemente lo trece algun reto den e ambiente di e scolnan, segun Elizabeth Stuart, un profesor di salud na John Hopkins university ken tin muchanan di kleuter y basis.
“E lo tas un dinamica hopi strano, socialmente, pa tin algun muchanan cu tapaboca y otronan no. Y pa tene control di esaki? Juffrouwnan no lo mester tin cu keda check cual muchanan mester tin nan tapaboca bisti u cualnan no.” Stuart a elabora.
Otro aspecto cu potencialmente lo por bira un dolor di cabes ta cu scolnan lo mester sigui distancia muchanan y nan banki den klas, CDC ta comenta. Pero e agencia a enfatisa cu e distanciamento no mester bira un obstaculo pa laga e muchanan regresa scol, y a agrega cu e distanciamento no ta completamente necesario ni rekeri den muchanan y trahadornan cu ta completamente vacuna.
Tur esaki lo por ta dificil pa por implementa, y pa motibo aki CDC ta consehando e scolnan pa tuma decisionnan cu nan ta sinti ta mas adecua pa nan situacion y capacidad personal, segun SauberSchatz.
E preguntanan mas grandi lo ta na baiscschoo, unda cu e muchanan a bira eligibel pa e vacuna pero otronan te ainda no ta. Si e separacion di e muchanan vacuna cu esunnan no vacuna ta bira un tarea dificil pa administration, nan por scoge di laga e polica di tapaboca vigente pa tur hende, sea cu nan ta vacuna of no.
E guia a ser skirbi pa por duna paso na flexibilidad na nivel local.
Den algun di e districtonan di scol mas grandi den e nacion, e uso di tapaboca ta premira di sigui den e temporadanan aki. Den Detroit su scolnan publico, lo rekeri tur hende bisti tapaboca almenos cu tur hende den e klas a ser vacuna. Philadelhpia lo rekeri tur studiante y trahadonan pa bisti tapaboca den e edificio te hasta si tur ta vacuna. Pero tapaboca no lo ta mandatorio na scolnan den Houston.
E hecho di rekeri vacunacion como condicion pa por atende scol ta algo cu ta comun rond di e pais pa asina por preveni e plamamento di e malesanan.
Den varios ocacion CDC a aplaudi e tipo di reglanan aki, pero e agencia riba diabierna a declara cu nan no ta recomenda medidanan manera esaki pa motibo cu e ta considera un decision di estado y polisa local.
