(AP) – E gobierno Hulandes a bolbe pone medidanan di distanciamento y restriccion pa asina por contene e plamamento di coronavirus despues di un aumento drastico den casonan primeramente causa pa e variante delta.
Prome Minister Mark Rutte a declara cu barnan lo mester cera prome cu marduga, kiermen 12or di anochi cuminsando e weekend aki, y pa mayoria di e temporada aki di vakantie mientras cu e clubnan y discotecanan mester permanece cera completamente. “E no ta un medida leuk, pero e ta uno necesario” Rutte ta declara.
E decision ta bin despues di un aumento grandi den casonan nobo, particularmente entre hobennan, subiendo na nivelnan cu no a ser mira desde comienso di mei. Resultadonan positivo pa dia na Hulanda a subi pa casi 7,000 caso di e casi 1,000 casonan cu tabata mira un par di siman pasa.
Adhunto cu e orarionan nobo di ciere y algun establecimiento cerando completamente, mas medidanan di distanciamiento social lo ser reenforsa. E medidanan ta premira di permanece te cu dia 13 di augustus.
