Recientemente tabata tin diferente keho den media relaciona cu falta di confiansa den e cadena hudicial na Boneiro.
E mensahenan aki ta relaciona cu tanto casonan bieu como casonan andando interno y casonan penal. Cuerpo Policial Hulanda Caribense ta traha bou di supervision di Ministerio di Husticia y Siguridad (Ministerie van Justitie en Veiligheid), Administrado di Cuerpo (Korpsbeheerder), y Ombudsman Nacional. Y similar na otro cuerponan den region y na Hulanda ta sigui procedura y ley den nos trabou.
E leinan aki ta brinda tanto comunidad como nos partnernan den e cadena hudicial guia pa loke ta trata nan trabou y ta proteha procesonan.
Maneho di keho
Na momento cu realisa un keho relaciona cu accion di un polis semper tin un investigacion interno. E investigacion aki ta uno amplio y den caso cu ta trata un echo castigabel pa ley OM lo husga esaki. Ora conclui e investigacion aki, lo papia cu e colega concerni y eventualmente haya sanshon conforme e Codigo di Ambtenaar of Codigo Penal. Trahado semper por apela esaki. Asina a parti varios but interno pa colega cu a viola e lei di emergencia durante lockdown den nan tempo liber. Hefe di Cuerpo Policial ta di opinion cu tur hende mester tene nan mes na mesun regla, specialmente colega cu mester ta un ehempel pa comunidad. KPCN semper ta duna ‘feedback’ na esun cu a entrega keho.
Procedemento di haci denuncia
Ora un persona a haci denuncia contra cuerpo policial, Bureau Interne Zaken ta investiga e caso prome. Despues ta consulta cu Ministerio Publico (OM) kende ta determina si ta trata di un denuncia penal y si mester ehecuta esaki bou di nan supervision. Den e caso aki ta traspasa e caso pa OM pa tratamento. Den caso excepcional, caminda ta purba di preveni conflicto di interes, OM por dicidi di haci traspaso pa Procurador General (PG). E PG ta e ‘supervisor’ di OM y e ta haci peticion pa Rijksrecherche pa sigui trata e kaso.
Durante transcurso di un caso, no ta usual cu ta duna updates, pa motibo di privacidad y pa e principio di ta inocente te ora cu dicta e huicio final.
OM ta comunica tocante di esaki ora finalisa casonan (despues di un sentencia).
Areglo di keho
Cuerpo Policial Hulanda Caribense ta tene e confiansa cu comunidad di Boneiro, Saba y Sint Eustatius ta dun’é, na pecho. Cu e puntonan ariba menciona Cuerpo Policial conoce un areglo di keho, caminda ciudadanonan y organisacionnan por haci uzo di dje.
E areglo aki ta haci posibel pa entrega keho contra comportacion di polis y/of keho tocante e tratamento di casonan pendiente. Un entidad externo y independiente ta trata e keho y ta duna conseho na e Hefe di Cuerpo Policial kende ta tuma un decision tocante e comportacion. Dado caso si e persona cu a entrega keho no ta satisfecho, e por apela cerca Nacional Ombudsman.
Cu tur e procedura- y leinan aki, cual conforme e rapport di mantencion di ley ultimamente, ta funciona bon, KPCN ta purba di ta mas transparente posibel y siña for di eventual erornan.
