(LaPatilla) – E dictador Nicolas Maduro a rechasa diamars e pedido di Merca pa crea condicionnan pa eleccionnan liber y husto na Venezuela.
Maduro a lesa e titulo di un noticia di un agencia cu tabata referi na un vocero di e departamento di estado pidiendo pa revoca e prohibicion pa partidonan politico y diregentenan opositor.
“Ami ta bisa e gobierno di Merca, y e gobiernonan di mundo, no mete den e asuntonan interno di Venezuela, nos no ta mete den e desaster electoral cu boso tabatin. No mete den e proces electoral interno, boso no ta doño di e pais Venezuela, e no ta un colonia di Merca. Yankee go home! No mete den Venezuela”, el a grita den e transmision di VTV.
Maduro a afirma cu “Venezuela tin e miho sistema electoral mas comprobabel y verificabel na mundo”, y el a sigura cu e proximo eleccionnan regional y municipal di dia 21 di november, “lo inscribi tur candidato cu mester inscbirbi”.
Cu wowo riba eleccionnan di e aña aki, Nicolas Maduro a “haci e promesa” diamars 6 di juli cu elo “acelera e proces di vacunacion masivo” pa asina e tin e 70% di Venezuela inmunisa pa dia 30 di september. Maduro a bisa durante un transmision cu “e siguiente meta” ta poni, pa restablece e economia na un 100%. Ademas el a insisti cu den e “obhetivo” tambe tey e regreso bek na lesnan den persona na october.
“Nos ta bai acelera den juli, augustus y september e proces di vacunacion masivo pa logra un meta, dia 30 di september tin vacuna e 70% di e Venezolanonan y logra e inmunidad pa establece e liña economico y social na un 100%. Y asina por aspira na un regreso skol di e studiantenan y maestronan na scol”, el a expersa.
