(AP) – ESPN a tuma e decision di reemplasa Rachel Nichols como reportero di e final di NBA despues di un reportahe revelando comentarionan critico cu e reportero a haci tocante su colega Maria Taylor.
E red di television a anuncia riba diamars cu Malika Andrews lo ta reemplasando Nichols como reportero di e weganan di NBA entre Phoenix Suns y Milwaukee Bucks.
Desde aña pasa su final Rachel Nichols a eherce e trabao di reportero pa cu e weganan aki, y a sigui e trabao aki den e temporada ki. Pero e cambio a sosode despues cu New York Times a revela riba diadomingo comentarionan di mal gusto cu su persona a haci tocante Maria Taylor, ora cu el a haya sa cu Taylor la ta e anfitrion di un programa nobo cu e canal lo lansa den su luga.
Durante un conversacion telefonico cual acidentalmente a ser graba, y The Times a logra obtene, Nichols a bisa “Mi ta desea Maria Taylor tur e exito den mundo, e ta cubri futbol Mericano, e ta cubri basketball. Si e canal ta sinti di duna su persona mas cos pa haci paso nan ta sinti presion tocante e falta di diversidad den e record, cual ami conoce perfectamente bon den banda femenino, ta bon, hasi esaki, pero busca esaki otro caminda. Bo no ta bay haya esaki for di mi persona ni kitando cosnan for di mi persona.”
E reportahe di The Times a declara cu trahadornan di e show tabata hopi disgusta cu Nichols, ken a pidi un disculpa mientras cu e tabata eherciendo su trabao como anfitrion di “The Jump”.
Rachel Nichols lo continua su trabao como anfitrion di e programa semanal aki di basketball, cual ta ser graba den studio di e canal di television ESPN.
Tambe, Nichols lo ta e anfitrion di e apertura di e final di NBA y tambe di e shownan di ‘Halftime’, aunke The New York Post a reporta anteriormente cu e contract entre Nichols y ESPN lo caba den fin di e luna aki, y na mesun momento a revela cu Rachel Nichols a nenga di extende su contract.
