Mas detaye ta ser revela tocante atake cibernetico haci pa gang Ruso REvil

(AP) – Ekiponan di siguridad cibernetico a traha duro riba diadomingo pa por saca afo e impacto mas grandi di un atake global cibernetico, y a logra trece dilanti algun detaye di con e gang conecta cu Russia a logra e hacking di e compania, ken su programa tabata e lider.

Un afilia di e gang famoso REvil, miho conoci pa nan extorcion di 11 miyon dollar di e compania cu ta procesa carni yama JBS despues cu un atake a infecta miles di victima den por lo menos 17 pais riba diabierna, mas tanto pa medio di mini compania cu ta maneha infrastructura di IT pa diferente cliente, investigadonan di siguridad cibernetico a revela. Reportando cu e gang tabata demanda casi 5 miyon dollar.

E FBI a bisa den un declaracion riba Diadomingo cu nan tabata investigando e atake conhuntamente cu Cybersecurity and Infrastructure Security Agency, aunke “e grandura di e incidente por haci cu nos no lo por responde na cada victima individualmente”.

President Joe Biden a sugeri riba diasabra cu Merca lo a responde si e tabata determina cu Kremlin ta envolvi. Biden a bisa cu el a pidi e comunidad di inteligencia pa un “investigacion profundo” pa cu e incidente.

E atake a sosode menos di un luna despues cu Presidente Biden a presiona President di Rusia Vladimir Putin pa stop di provee un espacio sigur na REvil y tur otro gang cu tambe ta secuestra datos, kende su atakenan cibernetico pa extorcion ta considera un menasa na e siguridad nacional di Merca.

Un cantidad grandi di diferente negoshinan y agencianan publico a ricibi golpi cu e atake recien, aparentemente den tur continente, incluyendo servicio nan di financiamento, biahe, placer y sector publico, aunke tiki di nan tabata companianan grandi, Sophos a reporta, cual ta un compania cu ta specialisa den siguridad cibernetico.

Criminalnan aki cu ta secuestra datonan ta hack rednan di diferente compania, y ta infiltra un programacion cu ta daña e actividad di e red, secuestrando tur e datonan di e victima, haciendo cu nan no tin acceso na nan. E victimanan ta ricibi un codigo cu ta desactiva e programa ora cu nan paga e suma demanda.

E marca di supermercado di Suecia Coop a revela cu mayoria di su 800 tiendanan lo permanece cera pa un di dos dia pa motibo cu e red di e suplidor di nan sistema di caha te ainda ta daña. Tambe un franquisia di farmacia, stacion di gasolin, y algun otro luganan di servicio publico tambe a ser golpia.

Den Alemania, un compania di servicio di IT a bisa autoridadnan den anonimidad cu e siguridad cibernetico di miles di nan cliente a ser comprometi, e agencia di noticia DPA a reporta. Dentro di e victimanan reporta tabata inclui dos compania grandi di servicionan technico Hulandes, VelzArt y Hoppenbrouwer Techniek. Mayoria di victimanan di secuestro di datos no ta reporta e atakenan aki publicamente, y tampoco ta revela si nan paga e suma demanda of no.

CEO Fred Voccola di e compania afecta, Kaseya, a estima cu e number di victimanan ta den menos di miles, y mayoria di nan ta negoshinan chikito manera “clinicanan dental, oficina di arkitectura, centronan di cirugia plastico, bibliotecanan, luganan asina.”

Voccola a bisa den un entrevista cu solamente entre 50-60 di e compania su 37,000 clientenan a ser comprometi. Pero 70% di esaki tabata proveedornan di servicio cu ta usa e compania su programa VSA cual ta hackea pa maneha otro clientenan. E ta automatisa e instalacion di e programa y e actualisacionnan di siguridad pa por maneha otro tareanan vital den e red.

Expertonan ta bisa cu e no tabata un coincidencia cu REvil a alnsa e atake aki na comienso di e fin di siman unda cu ta celebra ‘Fourth of July’, pa motibo cu ta conoci cu tur e oficialnan lo ta ocupa. Hopi di e victimanan no lo ripara cu nan a ser ataka te ora cu nan bolbe trabao bek riba dialuna. Mayoria di e clientenan final di e proveedornan aki di servicionan di maneho, no tin “ningun idea” ki tipo di programa ta usa pa por mantene nan rednan activo, Voccola ta declara.

Kaseya a revela cu nan a manda un ayudo pa casi 900 clientenan por detecta si nan a ser ataka of no riba diasabra anochi.

John Hammond di Huntress LAbs, un di e prome oficinanan di siguridad cibernetico cu a bati alarma pa cu e atake, a bisa el a wak 5 miyon dollar y 500,000 dollar den demanda di REvil pa e codigo cu mester pa por recupera e rednan. E cantidad mas abao cu a demanda tabata di 45,000 dollar.

Gangnan sofistica manera REvil su nivel, usualmente ta examina e victima su record financial y polisanan di seguro si nan por haya esaki, di documentonan cu nan ta horta prome cu nan activa e programacion cu ta desactiva y bruha tur e rednan. E criminalnan despues ta menasa cu publica tur e datonan horta online si e victima no paga. E no tabata inmediatamente cla si e atake aki a envolve hortamento di dato, e mecanismo di e infeccion ta sugeri cu no.