Na october, Conseho di Minister di Reino (RMR) lo tin un discusion riba kico lo pasa cu e prestamonan cu a duna paisnan Corsou, Aruba y Sint Maarten durante pandemia di coronavirus, na momento cu e termino ta caduca dia 10 di april 2022, segun un relato den portal noticiero CuracaoChronicle.
Secretario di Estado pa Asuntonan Interno y Relacionnan di Reino, Raymond Knops, a anuncia esaki como contesta na pregunta di parlamentario di D66, Jorien Wuite durante un asina-yama consulta legislativo riba presupuesto di Relacionnan di Reino. E tabata kier sa si e prestamonan – cu awo a alcansa 1 biyon euro, cu centenares mas agrega den proximo luna – lo wordo refinancia of pordona.
Knops a bisa cu el a ricibi e preguntanan aki for di Caribe caba. El a declara cu e no por bisa nada di esaki ainda pasobra e no kier husga adelanta e toma di decision di Conseho di Minister di Reino. E discusion en cuestion lo ta determina en parte pa e velocidad cu cual economianan Caribense ta recuperando.
