(NLTimes) – Proveedor di servicio di red priva virtual DoubleVPN a wordo manda offline como parti di un investigacion internacional, segun polis Hulandes a confirma. Ta bisa cu e compania a ofrece conexionnan di internet segur y protegi cu a duna un safe haven na criminalnan cibernetico pa ataca nan victimanan.
E compania tambe ta sospecha di ta un organisacion criminal, labamento di placa, y participacion den e crimennan cometi pa su clientenan usando servicionan di Double VPN, polis Hulandes a declara. Den e investigacion aki, polis Hulandes y Ministerio Publico a bisa cu nan a logra penetra infrastructura di DoubleVPN. Na Hulanda, polis y e hudiciario ta legalmente autorisa pa drenta den computernan di forma secreto y remoto cu proposito di investiga crimennan serio.
E personanan tras di Double VPN a kere cu nan por keda anonimo mientras ta facilita operacionnan di crimen cibernetico a gran escala, pero berdaderamente no por”, fiscal Wieteke Koorn abisa. “Door di tuma accion legal y kiba den nan infrastructura digitalmente, nos ta laga algo hopi cla: no tin luga sigur pa e tipo di criminalnan aki.”
Double VPN tabata un proveedor di VPN chikito, pero hopi importante pa criminalnan cibernetico, polis Hulandes a bisa. E tabata ser usa pa secuestro cibernetico (ransomware) y estafadornan di phishing, entre otro. E servicio tabata ofrece su clientenan anonimmidad maximo door di ofrece conexionnan quad VPN. E servicio mas barata tabata costa 22 euro pa luna.
A confisca servers di Double VPM y a deshabilita su infrastructura na varios pais, incluyendo Hulanda, Alemania, Merca y Canada. Bulgaria, Italia, Suecia y Suisa tambe a hunga un rol den e investigacion. Website di e compania a wordo reemplasas cu un notificacion di un colectivo di agencianan di cumplimento di ley internacional cu a participa den e operacion.
