(NLTimes) – Oficialnan na e Minsterio Hulandes di Agrigultura deliberadamente a oculta informacion for di Comision Europeo y a falsifica cifra- y calculacionnan pa ricibi e mayor cantidad di permiso pa piscamento di pulso posibel pa piscadonan Hulandes, NOS a reporta basa riba documentonan cu a obtene despues di un LOB-verzoek.

E ministerio a duna NOS apenas algun di e documentonan cu e noticiero a solicita. Segun e noticiero, e ministerio a duna varios splicacion pakico e otro documentonan a keda secreto, incluyendo cu revelacion di esakinan por conduci na proceduranan criminal Europeo. Y cu revela algun di e documentonan lo pone na peliger e relacionnan di Hulanda cu otro estado- y organisacionnan internacional.

“Mo ta di opinion cu e interes aki mester al mas cu e importancia di e revelacion, ya cu revelacion por haci daño na e posicion internacional di Hulanda den e documento di pulso”, NOS a cita un carta cu e ministerio a manda hunto cu e documentonan.

E documentonan cu NOS si a ricibi a mustra con e ministerio a gaña Brussels pa asina ricibi mayor cantidad di permiso posibel y cu efecto. Hulanda a logra ricibi e permisonan pa un cuarta parti di e flota total, nificando cu 84 barco Hulandes tabata permiti pa usa e tecnica di piscamento di pulso, den cual ta spanta pisca for di e suelo di lama usando coriente electrico chikito. Brussels originalmente tabata kier pa solamente duna permiso pa cinco porciento di e flota, of maximo 22 barco.

Hulanda a logra ricibi asina hopi permiso, loke a resulta den piscadonan Hulandes siendo capaz di pisca pas eficientemente cu hopi di nan contrapartenan Europeo, door di falsifica e cifranan, segun NOS. Hulanda a pretende cu 5 porciento di e flota tabata 42 barco, mientras 42 barco realmente tabata representa 12.5 porciento di e flota Hulandes. E cifra aki eventualmente a duplica atrobe. “Duplicando un cifra ya caba dudoso”, un oficial a bisa tocante esaki.

Den un intercambio di email, oficialnan Hulandes a expresa preocupacion riba e legalidad di nan metodonan ‘dudoso’. Pero nan a ricbi instruccion pa mantene esaki secreto for di Comision Europeo y e top politico di e ministerio. E documentonan revela ta mustra cu oficialnan a experimenta presion di parlamento y industria di pesca pa ricibi e mayor cantidad di permiso pa pesca di pulso posibel. E industria di piscamento tabata den un situacion precario, pues mester a sostene piscadonan ‘den tur forma posibel’, un oficial a skirbi.

Oficialnan top na e ministerio di Agricultura a calcula cu Hulanda tabatin e miho chance pa ricibi mas permiso di Brussels si Comision Europeo no tabata suficientemente informa. “Ta importante pa trata e preguntanan aki cu e menor cantidad di atencion posibel”, e noticiero a cita for di e documentonan.

Algun oficial a adverti cu e strategia aki eventualmente lo bin back contra Hulanda. Y nan a resulta di ta corecto. Tabatin asina hopi oposicion na piscamento di pulso Hulandes for di Francia y Parlamento Europeo, cu Union Europeo a dicidi di prohibi piscamento di pulso. E prohibicion ey ta drenta na vigor awe, dia 1 di juli.