(NLTimes) – Hulanda por ta un di e prome paisnan den mundo occidental pa recupera di e crisis di coronavirus, prome minister Hulandes, Mark Rutte a sugeri.
“Si nos tin e oportunidad ey, lo ta un careda emocionante, pero al menos nos ta den e grupo lider”, Rutte a bisa na e reunion di Conseho Europeo na Brussels, segun ANP.
Rutte a bisa cu Hulanda tabata ‘den hopi bon forma’ a pesar di e consecuencianan serio di e crisis di salud andando. Esaki principalmente danki na e biyones den e paketenan di ayudo di coronavirus rapidamente prepara aña pasa, y e velocidad di e roll-out di vacunacion pa Covid-19, Rutte a bisa.
E siguiente etapa lo ta yuda pa e 5.6 biyon aparta pa Hulanda for di 672.5 biyon euro di e fondo di recuperacion di Union Europeo. E actual Gabinete encarga no a entrega su plan pa gasta e placa na UE, optando na luga di esey pa pasa e tarea na e siguiente Gabinete.
Sinembargo, 100 dia despues di eleccion, e 19 fraccion politico den Tweede Kamer ta mesun cerca di forma un gobierno di coalicion. Ya nan a traha cu dos diferente set di scout di formacion y dos diferente informateur asistiendo e proceso.
“Pero esey no ta importa en absoluto pasobra e placa djis t’ey”, Rutte a bisa. Contestando kico lo haci si e negociacionnan di formacion ta tumando mucho largo, Rutte a bisa: “Nos lo kier investiga esey.”
Lidernan di e 27 estado miembro di UE a discuti e situacion economico di Europa na Brussels e siman aki. Nan a bay di acuerdo cu ta parce cu e proceso di recuperacion ta bayendo mas lihe cu a spera. Esaki tabata principalmente danki na e implementacion rapido di sosten financiero pa sostene negoshi, y e lansamento rapido di vacuna, nan a conclui.
