Area di enfoke: Desaroya un plan strategico pa reduci pobresa den e 12 barionan identifica (Armoedebestrijding) caminda ta conoci cu tin pobresa. Institui un grupo di trabou integral hunto cu ministerio di Economia y SOAW cu lo revisa e maneho pa stipula prijsnan maximo y cu lo traha riba recomendacion con por revisa e productonan di prome necesidad (macutu basico) pa costo di bida bira controlabel. Investiga con por reduci pobresa bou di pensionadonan cu ta cobra AOV so y adapta e leinan necesario. Facilita aplicacion pa pensioen di behes acumula den otro paisnan den Reino pa pensionadonan biba na Corsou cu ta bin na remarke.

Intensiva e yudansa di famianan cu debenan problematico dor di organisa cursonan financiero gratis (budgettering) pa reduci e cantidad di famianan. Desaroya y introduci un maneho dirigi riba un trayecto di sanacion di debe pa yuda personanan cu debenan problematico den nos comunidad

Conscientisacion y Sustento (“Zelfredzaamheid”) di siudadanonan.Desaroya un programa integral di formacion pre- escolar profesional y igual pa muchanan di 0 – 4 aña den barionan di Corsou.

Stimula campañanan publico y actividadnan social y di bienestar pa famia den barionan na Corsou hunto cu habitantenan mes di e bario pa fomenta comportacion civico, participacion social y integracion social. Traha riba promocion activo di e lema “un famia, un bario, un pais”, pa trece credibilidad y confiansa bou di ciudadanonan atrobe, y duna nan e siguridad cu tin perspectiva pa cambio den e rumbo di Corsou. Desaroya un programa special pa yudansa (“opvoedingsondersteuning”) pa mayornan y specialmente pa mamanan hoben y soltero den barionan.

Nucleo Familiar: Desaroya un plan integral pa stimula nucleo familiar y miembronan di famia. Duna contenido na e concepto famia y fortifica e famia nucleo, pa desaroyo propio y calidad y nivel di bida, na un manera realistico, structural y sistematico. Desaroya un plan strategico pa stimula e nucleo familiar, hunto cu ministerionan di Economia, Enseñansa, Ciencia, Cultura y Deporte, caminda e Ministerio di SOAW tin coordinacion di e maneho aki. Desaroya un plan structural y integral cu ta ofrece sosten na scol y “multi-problem gezinnen” pa atende cu problemanan riba tereno sosial emocional y comportacion di hobennan. Stimula, facilita y re- introduci organisacionnan di base (”grassroots”), organisacionnan di formacion manera Scouting, Deporte y guia spiritual den barionan na Corsou. Desaroya un maneho continuo pa stimula nucleo familiar pa famianan den comunidad un acercamento integral (“noodplan“), caminda ta percura pa minimalisa e daño causa riba e bida social como consecuencia di Covid-19 o cualke otro crisis cu presenta den famianan. Caminda por hiba un bida responsabel y cumpli cu nan debernan y sigui contribui na desaroyo social y economico di pais, specialmente durante y despues di temporada di crisis manera COVID-19. Garantisa pa medio di un ‘urgentieplan’ social cu e desaroyo social no ta keda paralisa dor di calamidadnan.

 

Fondo di Emergensia:Investiga e posibilidad pa introduccion di un fondo di emergencia (“welzijnfonds”) cu lo sirbi como reda social pa e gruponan mas vulnerabel den nos comunidad Introduci un “Nationale herstelplan” pa por sirbi como un reda social pa tur esunnan cu a ser afecta durante y despues di un calamidad (COVID-19, horcan, wárwarú).

Introduccion di Ley di Paternidat :Finalisa introduccion di e Ley di Paternidat pa di e manera aki mamanan hoben y soltero cu ta biba bou di e nivel di sobrevivencia (bestaansminimum) por cria nan yiunan.

Reforma di Fondonan Social:Lo instala un grupo di trabou cu ta encarga cu e investigacion di e reforma di fondonan social. Desaroya un plan integral pa realisa e reforma di e fondonan social pa garantisa cu esakinan ta pagabel, caminda ta tene cuenta cu tanto e financiamento como e gastonan di esakinan.

IV. Fortificacion di Ministerio di SOAW

Areanan di enfoke: Crea un Maneho Integral den e Ministerio. Inventarisa maneho y leynan cu ta vigente den e 3 sectornan den e ministerio di SOAW y crea un maneho integral di esaki. Evalua, revisa y adapta structura di e ministerio conforme e maneho integral crea. Determina prioridad di cual leinan lo mester ser adapta.

(Re)structura e departamento di Inspeccion,Inventarisa, evalua e cantidad y calidad di e personal di e departamento di Inspeccion y mehora esaki caminda cu e ta necesario. Evalua, revisa y adapta e procesonan actual di trabou y implementa esakinan pa garantisa miho calidad y funcionamento di e servicio di SOAW. Crea y implementa e normanan di maneho, instrumentonan pa monitoria, pa midi regularmente e calidad y nivel di servicio di SOAW.

Subsidio di Fundacionnan y Instancianan:Revisa e maneho y ley di subsidio pa haci e criterionan pa aplicacion pa subsidio di fundacionnan y instancianan mas estricto. Centralisa punto pa compra di servicio/producto (aplicacion) di fundacionnan y instancianan subsidia. Reduci gastonan di subsidio y tambe na fundacionnan y instancianan dor di cluster, pago netto di tur impuesto y primanan social. Introduccion di exigencianan rondo di ‘normering’ di prijsnan y reportahe na SVB (fondonan social), pa reduci gastonan di subsidio.

Profesionalisa y capacita e personal di ministerio di SOAW:Ehecuta un analisis profundo di capacidad y calidad di personal di ministerio di SOAW y percura pa bo tin “the right man on the right job and place”. Introduci un sistema di evaluacion (“beoordelingssysteem”) a base di KPI’s den colaboracion cu ministerio di BPD pa hisa e nivel di responsabilisacion di trabou pa e personal di SOAW. Crea un plan di capacitacion (“opleidingsplan”) y ‘coaching’ pa personal di SOAW den colaboracion cu ministerio di BPD pa hisa e nivel di funcionamento.

.