Awor aki e hangua contra corona ta disponibel tambe pa studiantenan Boneriano cu ta studia den exterior y cu dentro di poco ta bin Boneiro pa pasa vakantie. E studiantenan por registra nan mes na vaccinatie.info@bonairegov.com of nan mayornan por registra nan via e number gratis.
T’asina si cu e studiantenan mester keda suficiente tempo na Boneiro pa por pasa dos hangua, e ora ey nan ta completamente vacuna. Despues di e prome hangua minimalmente tres siman despues nan tin cu pasa e di dos hangua na Boneiro.
Na momento di registracion mester duna nomber y number di cedula di e mayor y tambe nomber di e studiante y su fecha di nacemento. Ta importante tambe pa duna un number di telefon of email adres y fecha di yegada y salida di e studiante. Importante ta pa tur studiante na Boneiro ta vacuna, prinsipalmente esunnan cu ta bay studia den exterio cu mester tin nan certificado cu nan a vacuna.
