(ElNacional) – Ya ta imposible pa sconde e violacionnan di derecho humano di regimen di Nicolas Maduro. Organisacion di Nacionnan Uni (ONU) Organisacion di Estadonan Americano (OEA) a presenta informenan demoledor cu ta duna cuenta di e maquinaria Chavista pa reprimi, tortura, encarcela y censura opositor, y despues di lucha hopi, por fin Corte Internacional, cu sede na Den Haag ta prepara pa investiga e presunto delitonan cometi na Venezuela.
Den e contexto aki, Maduro a cuminza crea maquillaje pa su dictadura, trasladando di manera secreto e presonan politico pa prison comun. E organisacion no gubernamental (ONG) Foro Penal ta señala cue trasladonan iregular a cuminza desde varios luna y semper ta sucede tras di lomba di familiar, defensor di preso y hasta di tribunal, violando asina loke e normanan vigente ta stipula.
For di sede di DGCIM (Direccion General di Contrainteligencia Militar) ya a tuma lugar 27 di nan un siman promer cu e publicacion den gaceta oficial cu e instruccion a sali.
Nan ta trata particularmente desaloha e sedenan di servicio di inteligencia y, cu urgencia, di DGCIM , un lugar cu a keda califica como centro di tortura pa e Comision Interamericano di Derecho Humano di OEA y pa e Mision di Verificacion di Hecho, comisiona pa ONU.
“Cambianan di un centro diencarcelaccion no lo significa cu nan no ta preso politico mas,” Gonzalo Himiob, director di Foro Penal, ta splica. E organiszacion ta hiba un registro hopi completo di preso politico cu actualizacion permanente. Te 25 di mei, e lista tabata contene 301 nomber di persona cera na henter e pais, 127 militar y un infinidad di victima di detencion arbitrario cu no tabatin derecho na defensa, acceso na abogado o un huicio.
Ya a hiba 60 di DGCIM na Caracas pa varios prison comun di ministerio di Servicio Penitenciario.
