(AP) – President di Sur Africa Cyril Ramaphosa a anuncia diadomingo cu e pais lo bay bek na medidanan estricto mirando cu e casonan di COVID-19 ta keda aumenta, indicando e comienso di un siguiente ola den e nacion mas afecta di Africa.
Casonan positivo den Sur Africa den e dianan recien tabata 31% mas halto cu e siman anterior y 66% mas halto cu e siman prome cu esaki, Ramaphosa a bisa riba television. El a bisa cu tin parti di e pais incluyendo e sector comercial Johannesburg y e capital Pretoria ta drentando nan “di 3 ola”
“Te ainda nos no sa con severo e ola aki lo ta y con largo e lo dura>” Ramaphosa a bisa.
Como contesta, Ramaphosa a bisa cu a partir di dialuna e toque de queda cual lo extende pa un ora, lo cuminsa 11pm y caba 4am. Un maximo di 100 hende so por ta na eventonan social paden y no mas di 250 pafo. E number di hendenan cu por atende un funeral lo ta limita na 100 hende y reunion despues di funeral lo ta prohibi completamente, incluyendo e cambio di orario di ciere pa negoshi nan no esencial cual lo bira 10pm.
“Nos tin e custumber di bira complaciente” Ramaphosa ta agrega, advertiendo cu e infeccionnan ta aumentando atrobe den un periodo unda cu e pais ta drentando su temporadanan mas friu, y hende ta custuma di pasa mas tempo hunto paden cual ta aumenta e riesgo di infecta otro.
Sur Africa su decision di bolbe implementa medidanan estricto – mirando cu e crisis na India a sali for di man caba – ta un prueba mas unda cu nos ta mira cu e pandemia aki su fin no ta cerca.
“Nos ta wak den otro paisnan e consecuencianan tragico den otro paisnan cu a laga e virus plama sin supervisacion, nos no por baha nos guardia”
Sur Africa tin mas di 1.6 miyon di caso confirma di COVID y mas cu 56,000 morto, mas cu 30% di e casonan y 40% di e mortonan a ser reporta pa tur 54 pais di Africa segun e centro di enfermedad y prevencion di Africa. Sur Africa ta a reporta 4,515 caso nobo den e 24 oranan pasa y Ramaphosa a bisa y e cantidad di testnan cu ta sali positivo ta causa preocupacion grandi.
Sur Africa tabata bao lockdown den nivel 1, esun mas abao di e 5 nivel nan pero aworaki ta subiendo na un “nivel 2 ajusta”, Ramaphosa a anuncia. Autoridadnan a stop di impone e medidanan estricto aki riba e movemento di hendenan den dia y e prohibicion di benta di alcohol y tabaco cu tabata na vigor aña pasa.
Sur Africa a pasa den 2 ola caba, e prome na mita di aña pasa y e di dos ola hopi mas severo den december y januari ora cu e variante a surgi y a aumenta e infeccionnan y mortonan na un cantidad hopi mas grandi. E virus aworaki ta siguiendo e mesun trayectorio cu e olanan anterior.
Expertonan a adverti cu e ola aki cual nan a bisa lo yega na comienso di temporadanan friu, lo ta uno hopi mas pio cu esunnan anterior.
E aumento di casonan positivo pa COVID-19 a dirigi atencion riba e hecho cu na Sur Africa tin un tardansa hopi grandi den e vacunacion cu solamente 1.5% di e pais su 60 miyon di hende vacuna. Trahadonan den sector di salud tabata e prioridad pero menos di 500,000 di e 1.2 miyon di trahadonan aki a ricibi nan vacuna di Johnson&Johnson cual ta solamente un dosis.
Sur Africa a cuminsa cu nan vacunacion den hendenan di edad mas avansa apenas 2 siman pasa. Den total, 963,000 Sur Africano a ricibi nan vacuna e gobierno e anuncia, aunke mita di e cantidad aki a ricibi solamente nan prome dosis di e vacuna di Pfizer.
Sur Africa a sigura mas cu 50 miyon di vacuna, Ramaphosa a bisa pero acutlamente solamente tin 1.3 miyon di e dosis aki den e pais y cla pa duna e pueblo. Mas dosis di Pfizer ta spera di yega den e siguiente siman, y cada siman despues di esaki. Sur Africa ta spera di vacuna por lo menos un 40 miyon di su populacion pa fin di e aña aki, un cifra cu ta mustra hopi inalcansabel.
