Inversion den tur forma di capital

    1. Pa recuperacion y crecemento, tin un urgencia imperativo pa “scale up” inversionnan pa bira bek e collapse di economia y pa realisa e shiftnan significativo necesario pa e transformacion
    2. Reconstruccion di capital humano ta rekeri reforma integral y maneho y financiamento sostenibel
    3. Inversion den infrastructura duradero ta e yabi pa un recuperacion economico fuerte, creacion di empleo y e base di GRID
    4. Ta primordial pa integra medio ambiente, pobresa y inigualdad como strategia di desaroyo
  1. Maneho structural y macroeconomico, fortificacion institucional y invasion tecnologico pa facilita e transmision
    1. Ta imperativo pa traha maneho macroeconomico structural y na nivel di sector pa crea e condicionnan pa facilita avance y recuperacion duradero
    2. Mester desaroya y implementa reforma nan structural
    3. Maneho di comercio lo pusha crecemento, desaroya residencia y promovr inclusion
    4. Lo duna atencion special na tecnologia y innovacion cu lo hunga un rol importante den promocion di crecemento
  2. Mobilisa capital na escala, specialmente di sector priva
    1. Pa cumpli cu obhecionnan di inversion, recursonan financiero significante tin cu wordo pone disponibel considerando limitacionnan fiscal y presion di servicio di debe

Ta imperativo pa financiamento ta disponibel pa e inversionnan necesario, compaña pa conocemento, ‘partnerships’, capacidad y plataforma pa combati efectonan di Covid-19 y realisa e recuperacion post-Covid riba un forma acelera.

  1. Stabilidad macroeconomico
  2. Pa por realisa implementacion di tanto e NDP como e NRP, algun condicionnan importante tin cu wordo cumpli cu ne. Confiansa tin cu wordo gana den en tempo record considerando e crisis tanto durante como despues di Covid-19. Den e cuadro aki, yudansa, sosten y financiamento di tur grupo di interes y ‘stakeholders’, lo bay depende di e confiansa cu nan lo por bai duna na e Gobierno en turno.
  3. Stabilidad Politico

Gobierno lo ricibi aceptacion y confiansa basa riba cumplimento cu “government governance”. Ademas ta importante cu e Gobierno lo por cumpli cu su periodo completo esta di cuater aña. Pa realisa esaki e pasonan necesario lo wordo tuma pa ta coherente y responsabel cu tomo di decisionnan.

  1. Presupuesto Balansa

Prome cu Covid ya a bira un custumber cu presupuestonan di Gobierno tras di otro ta clausura cu deficitnan relativamente grandi. Durante di e Pandemia den 2020, Corsou a cera su presupuesto cu deficitnan extremadamente grandi. No ta oportuno pa den e periodo di recuperacion pa deal mesora cu e deficitnan menciona, pero mas bien unabes cu cuminsa realisa un crecemento economico.

Di otro banda, lo maximo lo tin cu wordo haci pa cumpli cu condicionnan di compatibilidad y implementacion di recomendacionnan haci pa ‘Algemeen Rekenkamer Curacao’.

  1. Maneho di Debe

Durante y despues di e crisis causa pa Covid-19 ta hopi dificil pa no toca e tema aki. En principio, restructuracion di debe lo tuma luga despues di e periodo di recuperacion. Ta mas na su luga pa papia di “debt relief” considerando cu fiansanan haci tabata den cuadro di salba bida, sobrevivi y mantene funcionamento di pais durante e crisis. Den caso di Corsou, te ainda tur debe haci a tuma luga den Reino Hulandes. Pues discusionnan lo ser entama pa wak posibilidad di saneamento di e debenan.

Por lo general, e maneho di debe lo tin cu tuma luga a base di e liñanan di guia duna pa Banco Mundial y Fondo Monetario Internacional.

  1. Tasa di Cambio Stabiel

Den e periodo di recuperacion no ta oportuno pa introduci mas factor(nan) cu posiblemente por impedi un salimento for di e crisis o pa empeora esaki. Den e cuadro aki no ta deseabel pa den e periodo di post Covid-19 hiba discusion riba un posibel dolarisashon. Posibel efectonan inflatorio lo bira aun mas dificil o hasta imposibel pa mitigá. Ademas, un maneho monetario basa riba propio moneda por facilita algo di fleksibilisashon pa realisa un recuperacion acelera. Considerando cu e ‘dollar’ Mericano ta di “peg” na e florin, lo haci lo maximo pa mantene esaki manera ta e situacion actual.

  1. Stabilidad di Prijs

Covid-19 a afecta mundo den su totalidad incluso produccion y entrega di producto, tambe na Corsou. Pa un isla chiki ta imposibel mitigá efectonan inflatorio importa. Pero lo maximo lo tin cu wordo haci pa contene e factornan domestico cu por afecta inflacion. Den e cuadro aki lo tin cu baha o elimina drasticamente tur e componente nan adicional introduci riba p.e. combustibel pa motibo di no funcionamento di e refineria.

Den e cuadro aki un studio di factibilidad lo wordo conduci cu e mira pa rebaha prijs di utilidad. Esaki ta encera cu mester ta modesto y prudente cu medidanan fiscal ku lo por tin mesun efecto riba mantencion di prijs.

  1. Interconeccion Social (Social Cohesion)

Den e periodo di recuperacion ta imperativo pa relacion entre ciudadanonan wordo fortifica. Den e cuadro aki programa di socialismo lo wordo desaroya caminda lo tene cuenta cu inclusion social, capital social y mobilidad social. Transparencia y confiansa sali for di Gobierno lo ta fundamental pa fomenta recuperacion di acuerdo cu e NRP.